એવું તે શું બગડી ગયું હતું કે હાર્દિક પંડ્યા મેદાનમાં જ રોહિત શર્માને ગાળો બોલવા લાગ્યો? સોશિયલ મીડિયામાં વીડિયોએ મચાવ્યો ખળભળાટ, જાણો શું છે હકીકત

હાર્દિક પંડ્યાનો એક વીડિયો સોશિયલ મીડિયા પર વાયરલ થઈ રહ્યો છે, જેમાં દાવો કરવામાં આવી રહ્યો છે કે તેણે મેચ દરમિયાન કેપ્ટન રોહિત શર્મા સાથે દુર્વ્યવહાર કર્યો હતો. હાર્દિકને લઈને અલગ-અલગ ટ્રેન્ડ પણ ચાલી રહ્યા છે. ટીમ ઈન્ડિયા ઈંગ્લેન્ડ સામે ચાલી રહેલી ટી-20 શ્રેણી પહેલા જ જીતી ચૂકી છે. ભારતે ત્રણ મેચની શ્રેણીમાં 2-0ની અજેય સરસાઈ મેળવી લીધી હતી અને ત્રીજી મેચ રવિવારે રમાઈ હતી. પરંતુ એજબેસ્ટન ખાતેની બીજી T20 મેચનો એક વીડિયો સોશિયલ મીડિયા પર વાયરલ થઈ રહ્યો છે જેમાં ઓલરાઉન્ડર હાર્દિક પંડ્યાને લઈને દાવો કરવામાં આવી રહ્યો છે.

વાયરલ વીડિયો અંગે કહેવામાં આવી રહ્યું છે કે જ્યારે બીજી T20માં ટીમ ઈન્ડિયાની ફિલ્ડિંગ ચાલી રહી હતી ત્યારે હાર્દિક પંડ્યાએ કેપ્ટન રોહિત શર્મા સાથે દુર્વ્યવહાર કર્યો હતો. સ્ટમ્પ માઈકમાંથી હાર્દિક પંડ્યાનો અવાજ સંભળાય છે, જેમાં તે અપશબ્દોનો ઉપયોગ કરી રહ્યો છે. જો કે માત્ર 10થી 15 સેકન્ડના આ વીડિયોમાં આખી કહાની જાણી શકાઈ નથી. પરંતુ આ વીડિયો ટ્વિટર પર સતત વાયરલ થઈ રહ્યો છે અને હાર્દિક પંડ્યાને લઈને ઘણા ટ્રેન્ડ (#HardikAbusedRohit, #HardikPandya) ચાલી રહ્યા છે.

જેમાં ટ્વિટર યુઝર્સે લખ્યું છે કે હાર્દિક પંડ્યાએ રોહિત શર્મા સાથે દુર્વ્યવહાર કર્યો છે, તેની સાથે હાર્દિક પંડ્યા પર પણ ઘમંડી હોવાનો આરોપ લગાવવામાં આવ્યો છે. જો કે આ વીડિયો અંગે વરિષ્ઠ સ્પોર્ટ્સ જર્નાલિસ્ટ વિક્રાંત ગુપ્તાએ ખુલાસો કરતા કહ્યું છે કે હાર્દિકે રોહિત સાથે કોઈ દુર્વ્યવહાર કર્યો નથી, પરંતુ તે સમયે ડીઆરએસ વિશે વાત થઈ હતી. જેમાં હાર્દિક કહેતો હતો કે ડીઆરએસ સમયે મારી વાત સાંભળો, કારણ કે હું બોલિંગ કરું છું.

હાર્દિક પંડ્યા હાલમાં જ ટીમ ઈન્ડિયામાં પરત ફર્યો છે. તે T20 વર્લ્ડ કપ 2021થી ટીમની બહાર હતો, પરંતુ IPLમાં શાનદાર પ્રદર્શન કર્યા બાદ તે ટીમ ઈન્ડિયામાં પાછો આવ્યો અને હવે તે સતત સારું પ્રદર્શન કરી રહ્યો છે.

Translate »