દરેક વ્યક્તિનું સપનું હોય છે કે તે વધારે પૈસા કમાય અને પોતાની બધી જ જરૂરિયાતો પૂરી કરે, પરંતુ આજકાલ પૈસા કમાવવા સરળ નથી. જો કે, તે સાચું છે કે પૈસા કમાવવા માટે યોગ્ય ટીપ્સ અને પદ્ધતિઓ અપનાવવી મહત્વપૂર્ણ છે. કેટલાક લોકો આ ટિપ્સ અપનાવીને ખૂબ જ ઓછા સમયમાં મોટી કમાણી કરી લે છે. હાલમાં જ એક છોકરાની ચર્ચા થઇ રહી છે જેની ઉંમર માત્ર 17 વર્ષની છે, પરંતુ તે દર મહિને 16 લાખ રૂપિયા કમાય છે. અને તેણે આ પૈસા તેની ક્રિસમસ ભેટમાંથી કમાયા છે, જે તેની માતાએ તેને બે વર્ષ પહેલા આપ્યા હતા.
ક્રિસમસની ભેટ કારકિર્દી બની
ન્યૂયોર્ક પોસ્ટના રિપોર્ટ અનુસાર 17 વર્ષની કુલેન મેકડોનાલ્ડ ઈંગ્લેન્ડના લેન્કશાયરમાં રહે છે. બે વર્ષ પહેલાં નાતાલની પૂર્વસંધ્યાએ તેની માતા કેરેન ન્યુસોમે તેને ડિજિટલ ડ્રોઇંગ, કટિંગ અને પ્રિન્ટિંગ મશીન ગિફ્ટ કર્યું હતું. આ મશીનની કિંમત આશરે 16,000 રૂપિયા છે. કુલેને આ મશીનનો ઉપયોગ કરવાનું શરૂ કર્યું અને ધીમે ધીમે તેણે સ્ટીકરો બનાવવાનું શરૂ કર્યું. આ સ્ટીકરોનો ઉપયોગ બાળકો અને કેટલીકવાર પુખ્ત વયના લોકો તેમની વસ્તુઓને શણગારવા માટે કરે છે.
કસ્ટમાઇઝેશન દ્વારા વધેલી કમાણી
જ્યારે કુલેને પોતે બનાવેલા સ્ટીકરો ફેસબુક પર શેર કર્યા, ત્યારે લોકોએ કસ્ટમાઇઝેશન માટે તેનો સંપર્ક કરવાનું શરૂ કર્યું. જેમ જેમ તેના સ્ટીકરોની માંગ વધતી ગઈ તેમ તેમ તેણે કોલેજ પછી ત્રણ કલાક સુધી ઘરેથી કામ કરવાનું શરૂ કર્યું. થોડા સમય પછી, તેણે શાળા છોડી દીધી અને એક ઔદ્યોગિક પ્રિન્ટર ખરીદવાનું નક્કી કર્યું. ધીમે ધીમે તેમનો બિઝનેસ વધતો ગયો અને 2024ની શરૂઆત સુધીમાં તે દર મહિને 200થી વધુ કસ્ટમાઇઝ્ડ વસ્તુઓ વેચતો હતો.
સફળતા તરફનું એક પગલું
તેમના કામની અસર એવી થઈ કે જુલાઈ સુધીમાં તેમણે 79 લાખ રૂપિયાથી વધુની કિંમતનો સામાન વેચી દીધો. હવે કુલેન 16 કલાક, અઠવાડિયામાં 6 દિવસ કામ કરે છે. આ નાણાકીય વર્ષના અંત સુધીમાં તેની કમાણી 1 કરોડ રૂપિયાથી વધુ થઈ જશે. આટલી નાની ઉંમરમાં કરોડપતિ બનવાની તેની સફર ખૂબ જ પ્રેરણાદાયક છે.
ભારતની સૌથી મોંઘી સોસાયટી, દરેક ફ્લેટની કિંમત 100 કરોડ રૂપિયા છે, અંદર શું છે? જાણો
વિશ્વની પ્રથમ CNG બાઇક થઈ સસ્તી, બજાજે ફ્રીડમ 125ની કિંમતમાં કર્યો મોટો ઘટાડો
PAN 2.0: ડુપ્લિકેટ PAN કાર્ડવાળા તરત જ સરેન્ડર કરી દેજો, નહીંતર ભરાઈ જશો!
મને વિશ્વાસ નહોતો આવતો, હવે મને મારી જાત પર ગર્વ છે.
કુલેન પોતે પણ વિશ્વાસ કરી શકતો નહતો કે, તે આટલી મોટી સફળતા હાંસલ કરી શકશે. “ક્રિસમસની આ ભેટને કારણે, મેં જીવનમાં ઘણું પ્રાપ્ત કર્યું છે. મેં ક્યારેય વિચાર્યું ન હતું કે હું આટલા પૈસા કમાઇ શકીશ. જો કોઈએ મને ગયા વર્ષે કહ્યું હોત કે આ બધું થવાનું છે, તો હું હસી પડ્યો હોત. હવે હું એટલો વ્યસ્ત છું કે મારી પાસે મારા માટે સમય નથી.” તેણે કહ્યું કે, તે જે પણ કમાય છે તેનો ઉપયોગ તેણે પોતાના વ્યવસાયને વિસ્તૃત કરવા માટે કર્યો હતો.