પાકિસ્તાન હંમેશા તેની વિચિત્ર હરકતો માટે ચર્ચામાં ઘેરાયેલું રહે છે. આવી સ્થિતિમાં હવે પાકિસ્તાન ઈન્ટરનેશનલ એરલાઈન્સ (PIA) દ્વારા કંઈક એવો આદેશ આપવામાં આવ્યો છે જેને સાંભળીને તમે પણ ચોંકી જશો. હા, PIA દ્વારા એરક્રાફ્ટના કેબિન ક્રૂ માટે એક નવો નિયમ બનાવવામાં આવ્યો છે જે અંતર્ગત હવે તમામ સ્ટાફ મેમ્બરોએ યોગ્ય રીતે અન્ડરગાર્મેન્ટ પહેરવા પડશે.
પાકિસ્તાન ઈન્ટરનેશનલ એરલાઈન્સનો આ અજીબોગરીબ નવો નિયમ પુરુષ અને મહિલા સ્ટાફ મેમ્બર બંને માટે છે. તેની પાછળનું કારણ જણાવતા પાકિસ્તાને કહ્યું છે કે ફ્લાઈટમાં ક્રૂ મેમ્બર બરાબર તૈયાર ન થયા હોવાને કારણે ખોટી ઈમેજ બને છે. PIAનું માનવું છે કે ક્રૂ મેમ્બરોએ માત્ર ડ્યૂટી પર જ નહીં પરંતુ ઑફ ડ્યૂટી પણ ધ્યાનમાં રાખવું જોઈએ કે તેઓ PIA સાથે જોડાયેલા છે.
પાકિસ્તાન ઈન્ટરનેશનલ એરલાઈન્સના નોટિફિકેશનમાં કહેવામાં આવ્યું છે કે ફ્લાઈટ રેસ્ટ દરમિયાન કેબિન ક્રૂ સાથે જોડાયેલા લોકો કેઝ્યુઅલ કપડા પહેરે છે અને અન્ય શહેરોમાં જાય છે, હોટલોમાં રહે છે. આ પ્રકારનો ડ્રેસ અપ દર્શકો પર ખરાબ અસર કરે છે અને સંસ્થાની નકારાત્મક છબી પણ બનાવે છે.
જનરલ મેનેજર ફ્લાઇટ સર્વિસ અમીર બશીર દ્વારા જારી કરાયેલા નોટિફિકેશનમાં કેબિન ક્રૂને યોગ્ય અન્ડરગાર્મેન્ટ્સ અને સાદા કપડાને તેમના ડ્રેસ-અપનો એક ભાગ બનાવવા માટે કહેવામાં આવ્યું છે. આમિર બશીરના કહેવા પ્રમાણે, કેબિન ક્રૂમાંના તમામ સ્ત્રી-પુરુષોએ પોતાના દેશની સંસ્કૃતિ પ્રમાણે કપડાં પસંદ કરવા જોઈએ.
PIAનો આ નવો નિયમ માત્ર નિયમ તરીકે નહીં રહે. નિયમોનું પાલન થાય તે માટે ગ્રુમિંગ અધિકારીઓને ખાસ સૂચનાઓ પણ આપવામાં આવી છે. જે અંતર્ગત તેમણે કેબિન ક્રૂના આઉટફિટ પર નજર રાખવાની હોય છે અને જો કોઈ નિયમ તોડતું હોય તો તેની સામે રિપોર્ટ કરવો અને પછી તેની સામે કાર્યવાહી કરવામાં આવશે.