હોટલમાં રોકાણ કરનાર ગ્રાહકની માહિતી હવે બનશે એકદમ સિક્યોર, જાણો કયું વેબ પોર્ટલ બનાવવામાં આવ્યું

Lok Patrika
By Lok Patrika
Share this Article

મૌલિક દોશી (અમરેલી) હોટલમાં રોકાણ કરનાર ગ્રાહકની માહિતીની હોટલ ખાતેથી ઈન્ટરનેટ દ્વારા એન્ટ્રી માટે સીક્યોર પથિક (Programme for analysis of travelers and hotel informatics) નામનું એક સોફટવેર નામનું વેબ પોર્ટલ બનાવવામાં આવ્યું છે. આ સોફટવેર સાથે રજીસ્ટર થયેલ હોટલ ધારક જ ક્રાઈમ બ્રાન્ચ ખાતેથી આપવામાં આવેલ યુઝરનેમ અને પાસવર્ડ દ્વારા એન્ટ્રી કરી શકે છે. આ સોફટવેર ઈન્સ્ટોલ કરવા માટે જે તે સ્થળ પર જવાની જરૂર રહેતી નથી. પરંતુ મુખ્ય કાર્યાલય દ્વારા જે તે હોટલ રજીસ્ટ્રેશનને લગતી માહિતી સર્વરમાં સ્ટોર કર્યા બાદ યુઝરનેમ પાસવર્ડ આપતા જ હોટલ આ સિસ્ટમ સાથે જોડાઈ જાય છે. જેના આધારે હોટલમાં રોકાણ કરનાર ગ્રાહકની મહત્વની તમામ માહિતી પોલીસને તાત્કાલિક ઉપલબ્ધ થઇ જાય છે.

આ સોફ્ટવેરમાં ડેટા એન્ટ્રી કરવા માટે બહુમાળી ભવન, એ બ્લોક, પ્રથમ માળ રૂમ ૧૦૨, એસ.ઓ.જી, શાખા ખાતેથી હોટલ સંચાલક/માલિકે હોટલની વિગતો રજૂ કરી યુઝર આઈડી પાસવર્ડ મેળવી લેવાના હોય. પથિક સોફટવેરના અમલીકરણનો મુખ્ય ઉદેશ સાંપ્રત સમયમાં બનતા ગુન્હા,આતંકવાદી ઘટનાઓને અટકાવવા તેમજ આકસ્મિક સમયે કાયદો અને વ્યવસ્થા સાચવવાના સંજોગોમાં તમામ હોટલોને એક સાથે એક કરવાની મેન્યુઅલી કામગીરીને પહોંચી વળવાનું છે.રાજ્યના તમામ શહેર અને જિલ્લા ખાતે આ સોફટવેરનો ઉપયોગ કરવામાં આવે તો આંતરરાજ્ય તેમજ આંતર જિલ્લાના ગુન્હેગારો તેમજ આતંકવાદ જેવા ગંભીર બનાવોને અટકાવી શકાય. તેમજ ગુનાઓને શોધવા માટે સમગ્ર રાજ્યની પોલીસ સંકલનમાં રહી ખૂબજ ઓછા સમયમાં પરિણામલક્ષી કામગીરી કરી શકે.

આ સોફટવેર અંતર્ગત જિલ્લામાં આવેલ તમામ હોટલો, લોજ, ગેસ્ટ હાઉસ અને અન્ય જગ્યા ઉપર જે માણસો આવીને રોકાણ કરે છે તેમના નામ, સરનામા, મોબાઈલ/ફોન નંબર ઉપરાંત જે મુસાફરો રાત્રિ રોકાણમાં આવે છે તે જે વાહનમાં આવે તે વાહનનો પ્રકાર,વાહન રજીસ્ટ્રેશન નંબર તથા પબ્લીક ટ્રાન્સપોર્ટમાં આવેલ હોય તો તે મુજબની તમામ વિગતો તેમજ તેમની ઓળખાણના પુરાવા મેળવી તેની નોંધ પથિક સોફટવેરમાં ઓનલાઈન ચઢાવવાની રહે છે.


Share this Article
TAGGED:
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly