Gold Silver Rate: ઝવેરી બજારમાં સોના અને ચાંદીની કિંમતોમાં તેજીનો સિલસિલો યથાવત છે. આજે મંગળવાર, ૨૩ ડિસેમ્બરના રોજ પણ બંને કિંમતી ધાતુઓના ભાવમાં મોટો ઉછાળો જોવા મળ્યો છે, જેના કારણે લગ્નની સીઝનમાં ખરીદી કરનારાઓના ખિસ્સા પર બોજ વધ્યો છે. વૈશ્વિક બજારમાં થયેલા ફેરફારોને પગલે સ્થાનિક બજારમાં સોનું અને ચાંદી આજે નવા સ્તરે પહોંચ્યા છે, તો ચાલો જાણીએ શું ભાવ ચાલી રહ્યા છે.
સોના-ચાંદીના ભાવ આસમાને પહોંચી રહ્યા છે. આજે એટલે કે મંગળવારે પણ બંને કિંમતી ધાતુઓના ભાવમાં જબરદસ્ત તેજી જોવા મળી હતી. આ ઉછાળા બાદ સોના અને ચાંદીએ ફરી એકવાર નવો રેકોર્ડ બનાવ્યો છે.
સોના-ચાંદીની કિંમતોમાં પ્રતિદિન વધારો થઈ રહ્યો છે. આજે સવારે પણ બજારની શરૂઆત મોટા ઉછાળા સાથે થઈ હતી. આ દરમિયાન સોનાના ભાવમાં પ્રતિ દસ ગ્રામ રૂ. 1,130ની તેજી જોવા મળી હતી, જ્યારે ચાંદીનો ભાવ રૂ. 3,040 ઉછળ્યો હતો. ત્યારબાદ, 22 કેરેટ સોનાનો ભાવ પ્રતિ 10 ગ્રામ રૂ. 1,26,867 પર પહોંચી ગયો હતો, જ્યારે 24 કેરેટ સોનાની કિંમત પ્રતિ 10 ગ્રામ રૂ. 1,38,400 પર પહોંચી ગઈ હતી. તેની સાથે જ ચાંદીનો ભાવ પણ વધીને રૂ. 2,15,900 પ્રતિ કિલોગ્રામ થઈ ગયો હતો.
મલ્ટી કોમોડિટી એક્સચેન્જ (MCX) પર સોના-ચાંદીના ભાવ
બીજી તરફ, મલ્ટી કોમોડિટી એક્સચેન્જ (MCX) પર પણ સોના અને ચાંદીની કિંમતોમાં દરરોજ ઉછાળો જોવા મળી રહ્યો છે. મંગળવારે સવારે MCX પર સોનાની કિંમત રૂ. 1,363 એટલે કે એક ટકાના ઉછાળા સાથે રૂ. 1,38,107 પ્રતિ 10 ગ્રામ પર પહોંચી ગઈ હતી. જ્યારે ચાંદીની કિંમત રૂ. 3,055 એટલે કે 1.44 ટકાની તેજી સાથે રૂ. 2,15,927 પ્રતિ કિલોગ્રામ પર પહોંચી ગઈ હતી
આંતરરાષ્ટ્રીય બજારોમાં સોના-ચાંદીની કિંમત
બીજી તરફ વિદેશી બજાર એટલે કે યુએસ કોમેક્સ (US COMEX) પર પણ સોના અને ચાંદીની કિંમતોમાં તેજી જોવા મળી રહી છે. આજે સવારે અહીં સોનું 44.60 ડોલર એટલે કે એક ટકાની તેજી સાથે 4,514 ડોલર પ્રતિ ઔંસ પર પહોંચી ગયું છે. જ્યારે ચાંદીનો ભાવ 1.05 ડોલર એટલે કે 1.52 ટકાના ઉછાળા સાથે 69.61 ડોલર પ્રતિ ઔંસ પર કારોબાર કરતો જોવા મળ્યો હતો.
દિલ્હીમાં સોના અને ચાંદીના ભાવમાં નોંધપાત્ર ઉછાળો
દિલ્હીમાં 22 કેરેટ સોનું રૂ. 1,26,454 અને 24 કેરેટ સોનું રૂ. 1,37,950 પ્રતિ દસ ગ્રામ પર પહોંચી ગયું છે, જ્યારે ચાંદીનો ભાવ રૂ. 2,15,040 પ્રતિ કિલોગ્રામ થયો છે. મુંબઈની વાત કરીએ તો, ત્યાં 22 કેરેટ સોનાની કિંમત રૂ. 1,26,665 અને 24 કેરેટ સોનાનો ભાવ રૂ. 1,38,180 પ્રતિ દસ ગ્રામ પર ટ્રેડ કરી રહ્યો છે, જ્યારે મુંબઈમાં ચાંદીનો ભાવ રૂ. 2,15,220 પ્રતિ કિલોગ્રામ નોંધાયો છે.
કોલકાતા અને ચેન્નાઈના લેટેસ્ટ અપડેટ્સ
કોલકાતામાં આજે 22 કેરેટ સોનું રૂ. 1,26,500 અને 24 કેરેટ ગોલ્ડ રૂ. 1,38,000 પ્રતિ દસ ગ્રામના સ્તરે પહોંચ્યું છે, જ્યારે ત્યાં ચાંદીનો ભાવ રૂ. 2,14,940 પ્રતિ કિલોગ્રામ ચાલી રહ્યો છે. દક્ષિણ ભારતના મુખ્ય શહેર ચેન્નાઈમાં સોનાના ભાવ સૌથી વધુ જોવા મળ્યા છે, જ્યાં 22 કેરેટ સોનું રૂ. 1,27,041 અને 24 કેરેટ સોનું રૂ. 1,38,590 પ્રતિ દસ ગ્રામ પર પહોંચી ગયું છે. ચેન્નાઈમાં ચાંદીની કિંમત પણ વધીને રૂ. 2,15,850 પ્રતિ કિલોગ્રામના સ્તરે પહોંચી ગઈ છે. અમદાવાદના ઝવેરી બજારમાં પણ આજે સોના અને ચાંદીની કિંમતોમાં તેજીનો માહોલ જોવા મળી રહ્યો છે. અમદાવાદમાં 22 કેરેટ સોનાનો ભાવ આશરે ₹ 1,26,550 પ્રતિ 10 ગ્રામ અને 24 કેરેટ સોનાનો ભાવ ₹ 1,38,050 પ્રતિ 10 ગ્રામની આસપાસ ટ્રેડ કરી રહ્યો છે. જો ચાંદીની વાત કરીએ તો, અમદાવાદમાં આજે એક કિલો ચાંદીનો ભાવ ₹ 2,15,100 ના સ્તરે પહોંચ્યો છે.