Gold Price Today : સોના-ચાંદીના ભાવમાં આ અઠવાડિયાની તેજી બાદ નફાવસૂલી જોવા મળી રહી છે. ગોલ્ડ અને સિલ્વર બંને આંતરરાષ્ટ્રીય બજારની તરજ પર શુક્રવારે ઘટ્યા છે. વાયદા બજારમાં આજે સોના-ચાંદીમાં નફાવસૂલી દેખાઈ. આંતરરાષ્ટ્રીય બજારમાં સોનું 5 અઠવાડિયાની ઊંચાઈથી સરક્યું. ગ્લોબલ માર્કેટમાં સોનું $2700ની નજીક છે, ગુરુવારે સોનાના ભાવમાં 1%નો ઘટાડો થયો હતો. MCX પર સોનું 78,000 રૂપિયાથી નીચે લપસ્યું હતું. ગુરુવારે MCX પર લગભગ `1,000નો ઘટાડો થયો હતો. MCX પર ચાંદી `92,000 સુધી લપસી ગઈ હતી. મજબૂત ડોલરથી સોના-ચાંદીના ભાવ પર દબાણ બનતું દેખાઈ રહ્યું છે. આગલા અઠવાડિયાની ફેડની નીતિ પહેલાં બજારમાં નફાવસૂલી છે.
)
એમસીએક્સ પર સોનું 8 રૂપિયાના મામૂલી ઘટાડા સાથે 77,961 રૂપિયા પ્રતિ 10 ગ્રામ પર કારોબાર કરી રહ્યું છે. ગઈકાલે તે 77,969 પર બંધ રહ્યો હતો. ચાંદીનો ભાવ 343 રૂપિયા ઘટીને 92,290 રૂપિયા પ્રતિ કિલો પર આવી ગયો, જે ગઈકાલે 92,633 રૂપિયા પ્રતિ કિલો હતો.
પરંતુ છૂટક બજારમાં સોના-ચાંદીના ભાવ વધ્યા
નવી દિલ્હી: એચડીએફસી સિક્યોરિટીઝના જણાવ્યા અનુસાર રિટેલર્સ અને જ્વેલર્સની સતત ખરીદીને કારણે ગુરુવારે બુલિયન માર્કેટમાં સોનાના ભાવ 500 રૂપિયા વધીને 80,900 રૂપિયા પ્રતિ 10 ગ્રામ પર પહોંચી ગયા છે. પાછલા કારોબારમાં 99.9 ટકા શુદ્ધતાવાળું સોનું 80,400 રૂપિયા પ્રતિ 10 ગ્રામ પર બંધ થયું હતું. છેલ્લા ત્રણ સેશનમાં પીળી ધાતુમાં લગભગ 2000 રૂપિયાનો વધારો થયો છે. ચાંદીના ભાવ પણ 700 રૂપિયા વધીને 97,000 રૂપિયા પ્રતિ કિલો પર પહોંચી ગયા છે, જે અગાઉના વેપારમાં 97,000 રૂપિયા પ્રતિ કિલો હતા. પાછલા કારોબારી સત્રમાં ચાંદી 96,300 રૂપિયા પ્રતિ કિલો પર બંધ થઈ હતી. 99.5 ટકા શુદ્ધતાવાળા સોનાનો ભાવ પણ 500 રૂપિયા વધીને 80,500 રૂપિયા પ્રતિ 10 ગ્રામ પર પહોંચી ગયો છે. બુધવારે તે ૮૦,૦૦૦ રૂપિયા પ્રતિ ૧૦ ગ્રામ પર બંધ રહ્યો હતો. વેપારીઓના જણાવ્યા પ્રમાણે જ્વેલર્સની સતત ખરીદીને કારણે સોનાના ભાવમાં વધારો થયો હતો.
બજારમાં કેવો છે મૂડ?
એલકેપી સિક્યોરિટીઝના વાઇસ પ્રેસિડેન્ટ કોમોડિટી એન્ડ કરન્સી રિસર્ચ એનાલિસ્ટ જતીન ત્રિવેદીએ જણાવ્યું હતું કે, “સોનામાં વોલેટાઈલ ઝોનમાં કારોબાર થયો હતો અને ઊંચા સ્તરે નજીવું પ્રોફિટ બુકિંગ જોવા મળ્યું હતું. કોમેક્સમાં કિંમતોએ 2,720-2,725 ડૉલરની આસપાસ પ્રતિકારનો સામનો કરવો પડ્યો, જ્યારે એમસીએક્સ પર 79,000 રૂપિયાની આસપાસ પ્રતિકારનો સામનો કરવો પડ્યો.
હિંદુ મહિલાઓને તેમના પતિની સંપત્તિ પર કેટલો અધિકાર છે? સુપ્રીમ કોર્ટની મોટી બેંચ નિર્ણય કરશે
મોતીલાલ ઓસવાલ ફાઇનાન્શિયલ સર્વિસીસ લિમિટેડના વિશ્લેષક (કોમોડિટી રિસર્ચ) માનવ મોદીએ જણાવ્યું હતું કે, “ફુગાવાના આંકડાને પગલે બુધવારના સત્રમાં સોનાના ભાવ 2,700 ડોલરને પાર કરી ગયા હતા.” મોદીએ કહ્યું કે વ્યાજના દરમાં ઘટાડાની અપેક્ષાઓમાં કોઈપણ ફેરફાર કિંમતોમાં અસ્થિરતામાં વધારો કરી શકે છે. એચડીએફસી સિક્યોરિટીઝના સિનિયર એનાલિસ્ટ (કોમોડિટીઝ) સૌમિલ ગાંધીએ જણાવ્યું હતું કે, “ટ્રેડર્સ હવે યુએસ ઇકોનોમિક ડેટા પર ધ્યાન કેન્દ્રિત કરી રહ્યા છે, જેમાં પ્રોડ્યુસર પ્રાઇસ ઇન્ડેક્સ (પીપીઆઇ) અને સાપ્તાહિક બેરોજગારીના દાવાનો સમાવેશ થાય છે.”