Business News: ભારતના સૌથી ધનિક વ્યક્તિ મુકેશ અંબાણીને કોણ નહીં જાણતું હોય? તેની ગણતરી વિશ્વના સૌથી અમીર લોકોમાં પણ થાય છે. આ જ કારણ છે કે તેમની સુરક્ષા પણ ખૂબ જ કડક છે. તેમને ભારત સરકાર તરફથી Z Plus સુરક્ષા મળી છે. આ સાથે અંબાણી પરિવારની પોતાની ખાનગી સુરક્ષા પણ છે જે ખૂબ જ હાઈટેક છે. પરંતુ આજે અમે અંબાણી પરિવારની સુરક્ષા વિશે નહીં પરંતુ તેમની સુરક્ષામાં લાગેલા ગાર્ડ્સ પાસે રહેલી ખાસ ગન વિશે વાત કરવા આવ્યા છીએ.
કેવી છે અંબાણી પરિવારની સુરક્ષા?
જો રિપોર્ટ્સનું માનીએ તો અંબાણી પરિવારના કોઈપણ વ્યક્તિ જ્યારે બહાર જાય છે ત્યારે તેની સુરક્ષા માટે લગભગ 58 કે તેથી વધુ સુરક્ષાકર્મીઓ તૈનાત હોય છે. આ સાથે અંબાણી(Ambani) પરિવારના વાહનોની સાથે અનેક બુલેટપ્રુફ વાહનો પણ છે.
અંબાણી પરિવારની સુરક્ષામાં અનેક સ્તરો છે. જેમ કે કમાન્ડો, CRPF, પોલીસ અને તેમના ખાનગી ગાર્ડ. સ્વાભાવિક છે કે જે વ્યક્તિ ભારતનો સૌથી ધનિક વ્યક્તિ છે અને જે દેશની અર્થવ્યવસ્થાને મજબૂત બનાવે છે તેને આટલી સુરક્ષા ચોક્કસપણે મળશે.
ગાર્ડ્સ પાસે કઈ બંદૂકો છે?
વાસ્તવમાં મુકેશ અંબાણી પરિવારની સુરક્ષામાં લાગેલા ગાર્ડ પાસે જર્મનીમાં બનેલી હેકલર એન્ડ કોચ MP5 સબ-મશીન ગન છે. આ એક એવી ગન છે જે એક મિનિટમાં 800 રાઉન્ડ ફાયર કરી શકે છે. એટલે કે દુશ્મનને નિશાન બનાવ્યા પછી જો આ બંદૂકનું ટ્રિગર દબાવવામાં આવે તો ખેલ ખતમ થઈ જાય છે. વર્ષ 1960માં બનેલી આ બંદૂકનો ઉપયોગ આજે પણ વિશ્વના 70થી વધુ દેશોના સુરક્ષાકર્મીઓ કરે છે.
બાળકને ફોન જોવા આપતા માતા પિતા માટે લાલબત્તી સમાન કિસ્સો, સુરતના બાળકે આખા ગુજરાતની આંખ ઉઘાડી દીધી
સૌથી મોટી વાત એ છે કે દુનિયાભરમાં આ બંદૂકના સોથી વધુ વેરિયન્ટ છે. અંબાણી પરિવારની સુરક્ષામાં લાગેલા ગાર્ડને આપવાનું કારણ એ છે કે પ્રથમ તો તેમનું વજન માત્ર 2.54 કિલો છે અને તેમની લંબાઈ માત્ર 27 ઈંચ છે. આ સાથે જ આ બંદૂકમાંથી છોડવામાં આવેલી ગોળી 400 મીટર પ્રતિ સેકન્ડની ઝડપે પોતાના લક્ષ્ય તરફ જાય છે. એટલે કે, અહીં ટ્રિગર દબાવવામાં આવે છે અને ત્યાં લક્ષ્ય સમાપ્ત થાય છે.