RBI Penalty on IndusInd Bank : રિઝર્વ બેંક ઓફ ઇન્ડિયા (RBI) દ્વારા નિયમોનું પાલન ન કરવા બદલ ઘણી વખત બેંકોને દંડ ફટકારવામાં આવે છે. આ જ ક્રમમાં આરબીઆઈએ ઇન્ડસઇન્ડ બેંક પર જમા રકમ પર વ્યાજ દર સાથે જોડાયેલા નિયમોનું પાલન ન કરવા પર 27.30 લાખ રૂપિયાનો દંડ ફટકાર્યો છે. કેન્દ્રીય બેંક દ્વારા આપવામાં આવેલી જાણકારીમાં આ વાત કહેવામાં આવી છે. આરબીઆઈએ 31 માર્ચ, 2023 સુધી બેંકની નાણાકીય સ્થિતિ અંગે સુપરવાઇઝરી મૂલ્યાંકન માટે વૈધાનિક નિરીક્ષણ પછી બેંકને નોટિસ ફટકારી હતી.
ઈન્ડસઈન્ડ બેન્કના જવાબ અને જાહેરાત સંબંધિત પ્રેઝન્ટેશનનો અભ્યાસ કર્યા બાદ આરબીઆઈને જાણવા મળ્યું હતું કે, અયોગ્ય કંપનીઓના નામે કેટલાક બચત ખાતા ખોલવા સાથે સંબંધિત આરોપો સાચા સાબિત થયા છે. આ માટે દંડ લાદવો જરૂરી છે. જો કે, આરબીઆઈએ જણાવ્યું હતું કે નિયમનકારી પાલનમાં ક્ષતિઓ પર આ દંડ લાદવામાં આવ્યો છે અને તેનો હેતુ ઇન્ડસઇન્ડ બેંક દ્વારા તેના ગ્રાહકો સાથે કરવામાં આવેલા કોઈપણ વ્યવહાર અથવા કરારની માન્યતા પર ઘોષણા કરવાનો નથી.
)
મન્નાપુરમ ફાઈનાન્સ પર 20 લાખ રૂપિયાનો દંડ ફટકારવામાં આવ્યો
અન્ય એક કિસ્સામાં, કેન્દ્રીય બેંકે નો યોર કસ્ટમર (કેવાયસી) ધોરણોનું પાલન ન કરવા બદલ મન્નાપુરમ ફાઇનાન્સ પર 20 લાખ રૂપિયાનો દંડ ફટકાર્યો છે. આરબીઆઈએ જણાવ્યું હતું કે 31 માર્ચ, 2023 સુધી નાણાકીય સ્થિતિ અંગે એનબીએફસીનું વૈધાનિક નિરીક્ષણ હાથ ધરવામાં આવ્યું હતું અને કંપનીને નોટિસ ફટકારવામાં આવી હતી. નોટિસ પર મનપ્પુરમ ફાઇનાન્સના જવાબ પર વિચાર કર્યા પછી, કેન્દ્રીય બેંકે જણાવ્યું હતું કે કંપની ગ્રાહકોની સ્વીકૃતિ સમયે જારી કરનારી ઓથોરિટીની ચકાસણી સુવિધાથી ગ્રાહકોના પાનની ચકાસણી કરવામાં નિષ્ફળ ગઈ છે.
આ આદેશ ૧૬ ડિસેમ્બરે જારી કરવામાં આવ્યો હતો.
એનબીએફસીએ ગ્રાહકોની માહિતીનો યોગ્ય રીતે સંગ્રહ કર્યો ન હતો. તેમણે ગ્રાહકોનો પાન નંબર યોગ્ય રીતે ચેક કર્યો ન હતો અને કેટલાક ગ્રાહકોને એકથી વધુ આઇડેન્ટિફિકેશન કોડ આપ્યા હતા, જે નિયમોની વિરુદ્ધ છે. આ આદેશ 16 ડિસેમ્બર, 2024 ના રોજ જારી કરવામાં આવ્યો હતો. તપાસમાં જાણવા મળ્યું છે કે કંપનીએ રિઝર્વ બેંક ઓફ ઇન્ડિયા (આરબીઆઇ)ના ‘નો યોર કસ્ટમર’ (કેવાયસી) નિયમોનું પાલન કરવામાં મોટી ભૂલ કરી હતી.
કેનેડામાં રહેતા ભારતીયો માટે લોટરી લાગી! જસ્ટિન ટ્રુડોના આ નિર્ણયથી મળી શકે છે સ્થાયી નાગરિકતા
અદાણી ગ્રુપ સામે યુએસ ડિપાર્ટમેન્ટની કાર્યવાહીમાં સામેલ જજ રાજીનામું આપશે
ગ્રાહકો પર શું અસર થશે?
પહેલાં પણ નિયમોનું પાલન ન કરવા બદલ રિઝર્વ બેંક દ્વારા ઘણા બેંકો પર દંડ લગાવવામાં આવ્યો છે. પરંતુ તમને જણાવી દઈએ કે આરબીઆઈ (RBI) દ્વારા બેંકો પર લગાવવામાં આવતા આવા દંડથી ગ્રાહકો પર કોઈ અસર થતી નથી. ગ્રાહકોનું બેંક સાથેનું વ્યવહાર પહેલાંની જેમ સુચારુ રીતે ચાલુ રહે છે. ન તો બેંક દ્વારા ગ્રાહકોને મળતા લાભો પર કોઈ અસર થાય છે.