માસ્ટર બ્લાસ્ટર સચિન તેંડુલકરને કાર કલેક્શનનો ઘણો શોખ છે. તાજેતરમાં જ તેના આ શોખે કાર કલેક્શનમાં વધુ એક ઉમેરો કર્યો છે. તમને જણાવી દઈએ કે સચિન તેંડુલકરએ પોતાના કાર કલેક્શનમાં નવા સભ્ય લેમ્બોર્ગિની ઉરુસ એસનો સમાવેશ કર્યો છે. આ કાર દુનિયાભરના અમીરોને ખૂબ પસંદ આવી રહી છે, કારણ કે તેના ફીચર્સ ખૂબ જ સારા છે અને કારનો લુક પણ ખૂબ જ સુંદર છે. લેમ્બોર્ગિની ઉરુસની એક્સ શોરૂમ કિંમત 4.18 કરોડ રૂપિયા છે. તેનો ડ્રાઈવિંગ એક્સપિરિયન્સ પણ ઘણો કમાલનો છે.
શું છે કારની ખાસિયત?
એર સસ્પેન્શન સિસ્ટમથી સજ્જ, લેમ્બોર્ગિની ઉરુસ એસમાં સ્પોર્ટી બમ્પર અને કૂલિંગ વેન્ટ્સ સાથે જોડાયેલું બોનેટ છે. આ એસયુવીમાં ફિક્સ્ડ-કોઇલ સેટઅપ પણ છે. લેમ્બોર્ગિની ઉરુસ એસ 4.0 લિટર ટ્વીન ટર્બોચાર્જ્ડ વી8 એન્જિન સાથે મહત્તમ 666 પીએસ પાવર અને 850 એનએમનો પીક ટોર્ક જનરેટ કરે છે. તમને જાણીને આશ્ચર્ય થશે કે લેમ્બોર્ગિની ઉરુસ એસ માત્ર 3.5 સેકન્ડમાં 0-100 કિમી પ્રતિ કલાકની ઝડપે પહોંચી જાય છે. આ કારની ટોપ સ્પીડ 305kmph છે.
અહીંના લોકો ઝાડા થવા માટે લોહી પીવે છે, સૌથી મોટા પેટવાળા વ્યક્તિને માનવામાં આવે છે અસલી હીરો
સચિન પાસે કઈ કાર છે?
અગાઉ સચિન પાસે ઘણી લક્ઝરી કાર હતી, જેમાં પોર્શે 911 ટર્બો એસ અને બીએમડબલ્યુની ઘણી સિરિઝ જેવી કે બીએમડબલ્યુ 7-સિરીઝ, બીએમડબલ્યુ એક્સ5એમ, બીએમડબલ્યુ આઇ8 અને બીએમડબલ્યુ 5-સિરીઝનો સમાવેશ થાય છે. તમને જણાવી દઈએ કે સચિન તેંડુલકરની એક ફેરારી પણ છે, જેની ચર્ચા અવારનવાર થતી રહે છે. જણાવી દઈએ કે હાલમાં જ આઈપીએલ 2023 ખતમ થઈ ગઈ છે, જેમાં સચિનના પુત્ર અર્જુન તેંડુલકરે પણ મુંબઈ ઈન્ડિયન્સ તરફથી જબરદસ્ત પ્રદર્શન કર્યું હતું. જોકે અર્જુનને ઘણી મેચો રમવાની તક મળી નહતી.