વિરાટ કોહલીના ફેન પણ ગજબના છે! કોહલી સાથે એક સેલ્ફી લેવા માટે ખર્ચી નાખ્યા આટલા હજાર રૂપિયા

ચાહકો તેમના મનપસંદ ક્રિકેટરને મળવા માટે ગમે તેમાંથી પસાર થાય છે. આવું જ કંઈક વિરાટ કોહલીના એક ફેને કર્યું. તેણે ભૂતપૂર્વ ભારતીય કેપ્ટન સાથે સેલ્ફી લેવા માટે 23000 રૂપિયા ખર્ચ્યા હતા. ભારત અને દક્ષિણ આફ્રિકા વચ્ચે ગુવાહાટીમાં રમાયેલી શ્રેણી મેચ દરમિયાન જ્યાં ટીમ ઈન્ડિયા રોકાઈ હતી ત્યા આ ફેને રૂમ બુક કરાવ્યો હતો. આ ચાહકની આ મહેનત રંગ લાવી. આ પહેલા પણ રાહુલ નામના આ ફેને કોહલી સાથે સેલ્ફી લેવાનો પ્રયાસ કર્યો હતો પરંતુ સુરક્ષાને કારણે તે કોહલીની નજીક જઈ શક્યો ન હતો.

રાહુલે એક દિવસ પહેલા ટીમ ઈન્ડિયાની નજીક જવાનો પ્રયાસ કર્યો હતો પરંતુ એરપોર્ટ પર બેરિકેડના કારણે તે તેમ કરી શક્યો નહોતો. તેની આશા પૂરી થઈ શકી નહીં. તેથી તેણે ગુવાહાટીની સાત સ્ટાર હોટલમાં રૂમ બુક કરાવ્યો. અહીં ટીમ ઈન્ડિયા રોકાઈ હતી. અહીંથી તેણે પ્રયાસ કર્યો અને આખરે કોહલી સાથે સેલ્ફી લેવામાં સફળતા મેળવી. જોકે, આ રૂમના બુકિંગમાં તેમનો એક દિવસનો ખર્ચ 23000 રૂપિયા થયો હતો.

રાહુલ પોતાના ફેવરિટ સ્ટાર સાથે તસવીર માટે પોઝ આપતા ખૂબ જ ખુશ દેખાઈ રહ્યો હતો. રાહુલ રાયે કહ્યું, ‘હું નસીબદાર હતો કે મને એક રૂમ ખાલી મળ્યો. મેં તેને સવારે બ્રેકફાસ્ટ એરિયામાં જોયો. મેં તેમને ફોન કર્યો પણ સિક્યુરિટીએ મને રોક્યો. મેં બીમાર હોવાનું અને ભૂખ લાગવાનું બહાનું બનાવ્યું. મને જવાની પરવાનગી મળી. હું કોહલીને ફોન કરતો રહ્યો. આખરે તેણે મને બ્રેકફાસ્ટ એરિયાની બહાર મળવાનું કહ્યું. મેં વિરાટ કોહલીનું ફેન પેજ બનાવ્યું છે. તેના કોલાજને ફ્રેમ કરાવીને હું ત્યાં પહોંચ્યો. આ પેજના એક લાખ ફોલોઅર્સ છે.

તેણે કહ્યું કે તે તે લઈ શકતો નથી પરંતુ તેણે તેનો ઓટોગ્રાફ આપીને મને પરત કરી દીધો હતો. તે આ અમે મળીયા તેની સ્મૃતિ છે. અમે સેલ્ફી પણ લીધી. આ મેચની વાત કરીએ તો કોહલીએ મેચમાં 28 બોલમાં 49 રન બનાવ્યા હતા. તે T20 ક્રિકેટમાં 11000 રન પૂરા કરનાર પ્રથમ ભારતીય બેટ્સમેન પણ બન્યો હતો. ભારતે ત્રણ વિકેટે 237 રન બનાવ્યા હતા. જવાબમાં દક્ષિણ આફ્રિકાની ટીમે ત્રણ વિકેટે 221 રન બનાવ્યા હતા. ભારતે આ મેચ 16 રને જીતી લીધી હતી. ડેવિડ મિલરે શાનદાર સદી ફટકારી હતી પરંતુ તે પોતાની ટીમને જીત અપાવી શક્યો નહોતો.

Translate »