કાર્યક્રમમાં અને લગ્ન પ્રસંગમાં ઢોલી પર પૈસા ઉડાડવા એ હવે ગુજરાતના ગામડાંઓમાં સામાન્ય વાત બની ગઈ છે. ત્યારે કંઈક આવું જ જોવા મળ્યું હતું મહેસાણાના એક ગામમાં. મહેસાણાના એક ગામમાં એક પ્રસંગ દરમિયાન રૂપિયાનો વરસાદ થયો હોવાનો વીડિયો સામે આવ્યો હતો. આ પ્રસંગમાં એક વ્યક્તિએ જોશમાં આવીને પ્લાસ્ટિકનો કોથળો ભરીને રૂપિયા ઉડાડ્યા હોવાનું પણ સામે આવ્યું છે. આ વીડિયોમાં તમે જોઈ શકો છો કે રૂપિયાનો વરસાદ જોઈને તમામ લોકો ચોંકી ઊઠ્યા હતા. જો આ પ્રસંગની માહિતી વિશે વાત કરીએ તો મહેસાણાના એક ગામમાં એક પ્રસંગમાં એક વ્યક્તિએ કોથળો ભરીને રૂપિયા ઉડાડ્યા હતા.
સોશિયલ મીડિયા પર આ વ્યક્તિનો વીડિયો પણ ખુબ વાયરલ થઈ રહ્યો છે. આ સમગ્ર ઘટનાને લોકોએ પોતાના મોબાઈલમાં કેદ કરી હતી. વીડિયોમાં દસની નોટો મોટા પ્રમાણમાં જોવા મળી રહી છે. જોકે આ વીડિયો ક્યારનો છે એ અંગે હજુ સુધી વિગતો જાણવા મળી નથી. આ વીડિયો મહેસાણાના લીંચ ગામનો હોવાનું હાલમાં પ્રારંભિક તબક્કે સામે આવી રહ્યું છે, જ્યાં કોઈ પ્રસંગ દરમિયાન ઢોલ-નગારાંના તાલ સાથે એક વ્યક્તિ ગામલોકોની વચ્ચે પ્લાસ્ટિકની બેગ ભરીને પૈસા રોડ પર ફેલાવતી નજરે પડી રહી છે.