Breaking: અમદાવાદ મણિનગર BRTS બસમાં વિકરાળ આગ લાગી, જ્યાં જુઓ ત્યાં ધુમાડો જ ધુમાડો, ચારેકોર અફરાતફરીનો માહોલ

Lok Patrika
By Lok Patrika
Share this Article

અમદાવાદથી એક સમાચાર સામે આવી રહ્યા છે. એક વીડિયો વાયરલ થયો છે. જેમાં ધુમાડા નીકળતા જોવા મળી રહ્યા છે. મણિનગર BRTS સ્ટેન્ડ પર BRTS બસ બળીને ભડથું થઈ ગઈ છે. જોકે, સદનસીબે બીઆરટીએસ બસ પાર્ક કરેલી અને ખાલી હોવાથી કોઈ જાનહાનિ થઈ નથી. આગના પગલે દોડધામ મચી ગઈ હતી.

ફાયર બ્રિગેડનાં સૂત્રો પાસેથી માહિતી મળી રહી છે કે આજે સાંજે મણિનગર રેલવે સ્ટેશન પાસે આવેલા બીઆરટીએસ બસ સ્ટેન્ડ પર સીએનજી બીઆરટીએસ બસ ઊભી હતી. પાર્ક કરેલી આ બસમાં અચાનક જ કોઈ કારણોસર આગ લાગી હતી. એન્જિનના ભાગે આગ લાગી હોવાથી ધીમે ધીમે આગ આગળ ફેલાઈ ગઈ. ફાયર બ્રિગેડને જાણ કરવામાં આવતા ફાયર બ્રિગેડની બે ગાડીઓ તાત્કાલિક ઘટના સ્થળે આવી પહોંચી હતી. ફાયરબ્રિગેડની ટીમે પાણીનો મારો ચલાવી અને આગને કાબૂમાં લીધી હતી. બસ ખાલી હોવાથી કોઈપણ પ્રકારની જાનહાનિ થઈ નથી જેથી સારી વાત કહી શકાય.

આ પહેલા 17 સપ્ટેમ્બરે વહેલી સવારે મેમનગર બી આર ટી એસ બસમાં અચાનક આગ લાગી હતી. અચાનક બસ બંધ પડી ગઈ હતી અને એન્જિનમાથી ધુમાડો નીકળતા તાત્કાલિક બસમાઠી ૨૫ જેટલા મુસાફરોને ઝડપી બહાર નીકળી દેવામાં આવ્યા હતા જેથી કોઈ જાનહાનિ થઈ નથી અને આખી બસ બળીને ખાખ થઈ ગઈ હતી.

વહેલી સવારે બસ ચાંદખેડાથી આર ટી ઑ મણિનગર તરફ જતી હતી ત્યાં મેમનગર બિઆરટીએસના થોડા જ અંતરે બસ બંધ થઈ ગઈ હતી અને એન્જિન માંથી ધુમાડા નીકળતા બસમાં રહેલા ફાયર સેફ્ટી વડે ધુમાડા પર પાવડર ફોર્મ છાંટવામા આવ્યું હતું પરંતુ કઈ ફર્ક નહીં પડતાં થોડા જ સમયમાં બસમાં આગ લાગી ગઈ હતી અને બીઆરટીએસ બસસ્ટેન્ડને પણ નુકશાન પહોચ્યું હતું. જોકે આ ઘટનાની જાણ થતાં જ તાત્કાલિક ફાયરની ૩ ગાડીઓ અને ઓફિસરો પહોચી ગયા અને પાણીનો મારો ચલાવી આગને કાબુમાં લેવામાં આવી હતી.


Share this Article
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly