અમદાવાદ મહાનગરપાલિકાના ફાયર વિભાગે મહેકાવી માનવતા , શહેરમાં ભારે વરસાદ અને પાણીના ભરાવાની સ્થિતીમાં નાગરિકોની પરેશાની દૂર કરવા માટે સતત કાર્યરત

Lok Patrika
By Lok Patrika
Share this Article

છેલ્લા બે દિવસથી અમદાવાદ શહેરમાં વરસેલા વરસાદને કારણે જનજીવનને વ્યાપક અસર પહોંચી છે. બીજી તરફ અમદાવાદ મહાનગરપાલિકા પ્રશાસનના વિવિધ વિભાગોએ પણ લોકોના જીવનને પૂર્વવત કરવા માટે કાબિલ એ તારીફ કામગીરી કરી છે.

અમદાવાદ મહાનગરપાલિકાના વિવિધ વિભાગો દ્વારા વરસાદી પાણીના નિકાલ કરવો, ફસાયેલા લોકોને તેમના ગંતવ્ય સ્થાને પહોંચાડવા, ધરાશાયી વીજપોલ કે વૃક્ષને દૂર કરી રસ્તાઓ પૂર્વવત કરાવવા સહિત નાગરિકોની પરેશાની દૂર કરવા માટે સતત કાર્યરત છે. જેમાં ફાયરવિભાગ પણ સતત સ્ટેન્ડ બાય રહે છે.


બે દિવસ દરમિયાન અમદાવાદના વિવિધ ફાયર સ્ટેશન્સ પર કુલ 150થી વધુ ફોન કોલ્સ નોંધાયા છે. જેમાં ગાડીમાં ફસાયેલા લોકો, દીવાલ ધરાશાયી, વૃક્ષ પડવાના, વીજપોલ ધરાશાયી થવાના, આગ લાગવાના, શોટ સર્કિટના, ગેસ લાઈનમાં આગના બનાવોમાં ફાયર વિભાગની ટીમોએ ત્વરતિ એક્શન લીધા છે.


ઈન્ચાર્જ ચીફ ફાયર ઓફિસર શ્રી એમ.પી. મિસ્ત્રીના જણાવ્યા અનુસાર સોમવાર તારીખ 11/07/2022ના રોજ ફાયરવિભાગને કુલ 11 આગના કોલ્સ મળ્યા હતા. જ્યારે રેસ્ક્યુ માટેના 33 કોલ્સ નોંધાયા છે. પોતાના પરિવારથી દૂર રહી વિવિધ ફાયર સ્ટેશન પર ફરજ બજાવતા સ્ટાફે દિવસ-રાત જોયા વગર સમગ્ર શહેરને પોતાનો પરિવાર માની બચાવ કામગીરી કરી છે.


ફાયરવિભાગની છેલ્લા 72 કલાકની કામગીરી દરમિયાન અનેક લોકોને ફાયર વિભાગના કર્મચારી દેવદૂત સમાન લાગ્યા છે. એક પ્રાઈવેટ લક્ઝરી બસ જે ભૈરવનાથ ચાર રસ્તાથી ઈસનપુર તરફના રસ્તે આવી રહી હતી.

દરમિયાન પાણીના ભરાવાને કારણે બસ અધવચ્ચે બંધ થઈ ગઈ. આ સંજોગોમાં ફાયર વિભાગના જવાનોને જાણ કરાતા તેઓ વાહન સાથે ત્યાં પહોંચ્યા હતા.

આશરે 48 જેટલા મુસાફરોને ફાયરવિભાગના વાહન પર બેસાડી સલામત રીતે મણિનગર ફાયરસ્ટેશન લાવવામાં આવ્યા હતા.

મુસાફરોમાં બાળકો અને મહિલાઓ પણ સામેલ હોવાથી તેમને પ્રાથમિક સુવિધાઓ આપવામાં આવી હતી. વરસાદ અટક્યો નહીં ત્યાં સુધી આ તમામ લોકોને અહીં સુરક્ષિત રીતે રાખવામાં આવ્યા હતા. જેથી આ મુસાફરોએ ગદગદિત થઈને ફાયર વિભાગના સ્ટાફનો આભાર વ્યક્ત કર્યો હતો.


Share this Article
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly