તાજેતરની રાજ્યની વિધાનસભાની ચૂંટણીમાં ભાજપની શાનદાર જીતની ઉજવણી કરવા માટે ગુજરાતના સુરત શહેરમાં એક ઝવેરી દ્વારા વડાપ્રધાન નરેન્દ્ર મોદીની 156 ગ્રામની સોનાની પ્રતિમા બનાવવામાં આવી છે. આ મૂર્તિ બનાવવા માટે 20થી 25 લોકોની ટીમે 3 મહિના સુધી મહેનત કરી હતી. આ મૂર્તિની કિંમત લગભગ 11 લાખ રૂપિયા છે. જ્વેલરી ઉત્પાદક રાધિકા ચેઈન્સના માલિક બસંત બોહરાએ જણાવ્યું હતું કે 18 કેરેટ સોનાથી બનેલી મૂર્તિનું વજન 156 ગ્રામ છે કારણ કે ગયા વર્ષે ડિસેમ્બરમાં ગુજરાત વિધાનસભાની 182 બેઠકોમાંથી ભાજપે 156 બેઠકો જીતી હતી.
પીએમ મોદીની સોનાની પ્રતિમા
ઘણા લોકો મોદીની આ પ્રતિમા ખરીદવામાં રસ દાખવી રહ્યા છે, પરંતુ ઝવેરીએ હજુ સુધી તેને વેચવાનો નિર્ણય લીધો નથી. બોહરાએ કહ્યું, “હું નરેન્દ્ર મોદીનો પ્રશંસક છું અને તેમના માટે કંઈક કરવા માંગુ છું. અમારી ફેક્ટરીમાં આ મૂર્તિ બનાવવા માટે લગભગ 20 કારીગરોએ ત્રણ મહિનાનો સમય લીધો હતો. હું અંતિમ પરિણામથી સંતુષ્ટ છું. તેની કોઈ નિશ્ચિત કિંમત નથી કારણ કે તે અત્યારે વેચાણ માટે નથી.સોશિયલ મીડિયા પર વાયરલ થઈ રહેલા વીડિયોમાં વડાપ્રધાન નરેન્દ્ર મોદીની સોનાની પ્રતિમા જોવા મળી રહી છે. આ મૂર્તિ મૂવિંગ વીડિયોમાં જોઈ શકાય છે. પીએમ મોદીની સોનાની પ્રતિમા જોઈને લોકો સોશિયલ મીડિયા પર અલગ અલગ પ્રતિક્રિયા આપી રહ્યા છે.
ધનતેરસ પર PM મોદીની તસવીરવાળા સિક્કા માર્કેટમા છવાયા
આ પહેલીવાર નથી કે જ્યારે પીએમ મોદીની પ્રતિમા બનાવવામાં આવી હોય. આ પહેલા ઈન્દોર અને અમદાવાદના કેટલાક બિઝનેસમેન પીએમ મોદીની મૂર્તિ બનાવી ચૂક્યા છે.
આ ભેંસનુ વીર્ય છે ખૂબ જ મૂલ્યવાન, માલિક બની ગયો આજે કરોડપતિ, દર મહિને કમાય છે આટલા લાખ રૂપિયા
ધનતેરસના અવસર પર પીએમ મોદીની તસવીરવાળા સોનાના સિક્કા પણ ખૂબ વેચાયા હતા. તાજેતરમાં યુપીના મેરઠમાં આયોજિત જ્વેલરી પ્રદર્શનમાં ઘણા રાજ્યોના બુલિયન વેપારીઓએ તેમની જ્વેલરી પ્રદર્શિત કરી હતી. આ પ્રદર્શનમાં પીએમ મોદીની તસવીરવાળા સિક્કા આકર્ષણનું કેન્દ્ર રહ્યા હતા.