વાઇબ્રન્ટ ગુજરાતની ૧૦ મી એડીશન વાઇબ્રન્ટ ગુજરાત ગ્લોબલ સમિટ ૨૦૨૨એ હવે તમામ તૈયારીઓ પુર્ણ કરવાને આરે આવવાની સાથે નવી ઉંચાઇઓ સર કરવા તૈયાર છે. તારીખ ૧૦ થી ૧૨મી જાન્યુઆરીના રોજ યોજાનારી આ મેગા ઇવેન્ટની તૈયારીઓ પુરજાેશમાં ચાલી રહી છે. સમિટ માટે પાર્ટનર દેશો પાસેથી, બિઝનેસ લિડર, વિવિધ રાજયોના વડા અને રાજ્ય સરકારો, અને ઉદ્યોગો પાસેથી અભુતપુર્વ પ્રતિસાદ સાંપડ્યો છે.
આ વિશાળ વાઇબ્રન્ટ ગુજરાત સમિટ-૨૦૨૨ માં સૌ પ્રથમવાર પાંચ દેશોના વડાપ્રધાન ખાસ ઉપસ્થિત રહેશે અને તેમાં તેમાં રશિયાના વડા પ્રધાન મિખાઇલ મિશુસ્ટિન, મોઝામ્બિકના રાષ્ટ્રપતિ ફિલિપ જેકિન્ટો ન્યુસી, મોરેશિયસના વડાપ્રધાન પ્રવિંદ જુગનાથ, નેપાળના વડા પ્રધાન શેર બહાદુર દેઉબાઅને સ્લોવેનિયાના વડાપ્રધાન જાનેઝ જાન્સાનો સમાવેશ થાય છે. વાઇબ્રન્ટ ગુજરાત ગ્લોબલ સમિટમાં ૨૬ દેશો પાર્ટનર કન્ટ્રી-દેશ તરીકે જાેડાયા છે, જે આંતરરાષ્ટ્રીય બિઝનેસ અને જાેડાણને વધુ મજબુત બનાવશે.
છેલ્લા બે દાયકાથી આ સમિટને પગલે વિશ્વ માટે ગુજરાતએ ગેટવે ઓફ ઇન્ડિયાની ભુમિકા ભજવી રહ્યુ છે. અગ્રણી દેશો જેવા કે જર્મની, ફ્રાંસ, ઇટલી, કેનેડા,ઓસ્ટ્રેલિયા, જાપાન, રશિયા ઇઝરાયલ, સિંગાપોર,સ્વિડન, સાઉથ કોરિયા, ડેન્માર્ક, અને ફિનલેન્ડ સહિત અન્ય દેશો સમિટમાં ભાગ લેશે ઉપરાંત, હજુ વધુ દેશો જાેડાઇ રહ્યા છે. અને આ દેશો રાજયમાં બિઝનેસની નવી તકો શોધશે. આમ આ દેશો સાથેનો સતત સહયોગ ગુજરાતને એક ગ્લોબલ બિઝનેસ માટેનું “મોસ્ટ પ્રિફર્ડ ડેસ્ટીનેશન” બનાવે છે.
હાલના કપરાકાળ વચ્ચે પણ વાઇબ્રન્ટ ગુજરાત ગ્લોબલ સમિટ ૨૦૨૨ એ વિશ્વને ગુજરાતમાં રોકાણની તકોના નિદર્શન માટે તૈયાર છે. અને બિઝનેસના વડા અને સીઇઓની હાજરીમાં વિશાળ સમિટ તમામને આવકાવા તૈયાર છે. ઉદ્યોગ ક્ષેત્રના અગ્રણીઓની હાજરીમાં વાઇબ્રન્ટ ગુજરાત સમિટએ ગુજરાતની ઉદ્યોગસાહસિકતાને સાકાર કરવા કટિબધ્ધ છે. સાથે માનનીય વડાપ્રધાન નરેન્દ્ર મોદીના આર્ત્મનિભર ભારતના સપનાને સાકાર કરવા સજ્જ છે.
વિવિધ સેક્ટર જેવા કે, એવીએશન, ઓટોમોબાઇલ, ફાઇનાન્સિયલ સર્વિસ, એનર્જી, ડિફેન્સ, રીટેઇલ, અને રિયલ્ટીના અગ્રણીઓ સમિટમાં હાજરી આપશે, તેઓ ગુજરાતમાં રહેલી વિપુલ તકો અને ક્ષમતાઓને વિશ્વ સમક્ષ ઉજાગર કરશે. વાઇબ્રન્ટ સમિટ આગામી સમયના વિકાસ માટેના પાયાનુ ઘડતર કરવાની સાથે રાજયના વિકાસને આગળ ધપાવશે.
દેશના આર્થિક-સામાજીક વિકાસમાં ગુજરાતને એક રાષ્ટ્રીય સ્તરે અગ્રેસર રાજય બનાવવાની નેમ સાથે આ સમિટનું વિચારબીજ વર્ષ ૨૦૦૩માં વડાપ્રધાન નરેન્દ્ર મોદી (તત્કાલીન ગુજરાતના મુખ્યપ્રધાન) મુક્યુ હતુ. તેના થકી આજે ગુજરાત રાજય ભારતની આર્થિક વૃધ્ધિના કેન્દ્રમાં છે. વાઇબ્રન્ટ ગુજરાત સમિટની તૈયારીઓ અંગે ગુજરાતના મુખ્યમંત્રી ભૂપેન્દ્ર પટેલે જણાવ્યું હતું કે, “સમિટ અંગે અમને મળેલા પ્રતિસાદથી અમે ઉત્સાહિત છીએ અને વિશ્વાસ છે કે આર્ત્મનિભર ભારતની ઘોષણાને સાર્થક કરશે.
આ વાઇબ્રન્ટ ગુજરાત ગ્લોબલ સમિટ ૨૦૨૨એ તમામ અપેક્ષાઓ પુર્ણ કરવાની સાથે આગામી સમયના વૃધ્ધિનો પાયો મજબુત કરશે.”સમિટની તડામાર તૈયારીઓ અંગે તેમણે ઉમેર્યુ હતું કે,” વાઇબ્રન્ટ ગુજરાત ગ્લોબલ સમિટ-૨૦૨૨ માટે વિશ્વસ્તરે ઉત્સાહ અને રસ જાેવા મળી રહ્યો છે. અમને ૧૫ જેટલા વિદેશી પ્રધાનો, ચાર વિદેશના ગવર્નર કે સ્ટેટના વડા અને ગ્લોબલ બ્રાન્ડના સીઇઓએ સમિટમાં ખાસ હાજરી આપશે તેવી પુષ્ટી તેમણે આપી છે.
વાઇબ્રન્ટ ગુજરાત ગ્લોબલ સમિટ૨૦૨૨એ તેમાં ભાગ લેનારા, રાજ્ય અને દેશ માટે નવા કિર્તીમાન સર કરશે. વાઇબ્રન્ટ ગુજરાત ગ્લોબલ સમિટ-૨૦૨૨ ”આર્ત્મનિભર ગુજરાતથી આર્ત્મનિભર ભારત” ની થીમ પર આર્ત્મનિભર અને એન્ટપ્રાઇઝીંગ ઇન્ડિયા માટે માર્ગ મોકળો કરશે.