રાજકોટ જિલ્લાના શાપર વેરાવળ ખાતે એક અજીબો ગરીબ કિસ્સો સામે આવ્યો છે. ગર્લફ્રેન્ડ સાથે વીડિયો કોલ પર રોમાન્સ વખતે માથાકૂટ થતા બંગાળી યુવાને પોતાના ગુપ્તાંગ ઉપર બ્લેડ હુલાવી ગંભીર ઈજા પોતાને જ પહોંચાડ્યો હોવાનો બનાવ સામે આવ્યો છે. આ સમગ્ર મામલે સારવાર અર્થે 20 વર્ષે પ્રસન્નજીત બર્મનને સારવાર અર્થે રાજકોટ શહેરની સિવિલ હોસ્પિટલ ખાતે ખસેડવામાં આવ્યો હોવાનું સામે આવ્યું છે. 
પ્રાપ્ત માહિતી અનુસાર, શાપર વેરાવળ ખાતે પોતાના મામા સહિત લોકો સાથે રહેતો અને કારખાનામાં નોકરી કરનારા મૂળ પશ્ચિમ બંગાળના કૂચ બેહાર જીલ્લાના જાઈગીર ચિલાખાનના વતની પ્રસન્નજીત બર્મન દ્વારા પોતાના જ ગુપ્તાંગ પર બ્લેડ મારવામાં આવી હોવાનો બનાવ સામે આવ્યો છે. સમગ્ર મામલાની જાણ તેના મામા સપન બર્મનને થતા તાત્કાલિક અસરથી એમ્બ્યુલન્સના માધ્યમથી પોતાના ભાણેજને રાજકોટ શહેરની સિવિલ હોસ્પિટલ ખાતે ખસેડવામાં આવ્યો હતો. જ્યાં સર્જરી વિભાગમાં ત્રીજા માળે તેની સર્જરી પણ કરવામાં આવી હતી.
સિવિલ હોસ્પિટલ ખાતે ફરજ બજાવનારા તબીબોનો કહેવું હતું કે, ઈજાગ્રસ્ત યુવાનને અહીં ખસેડવામાં આવ્યો ત્યારે તેના ગુપ્તાંગના ભાગે લોહીના કલોટ્સ જોવા મળ્યા હતાં. ત્યાર બાદ તે ક્લોટ્સને દૂર કરી ઇજા કેટલી ઊંડી છે તે જોવામાં આવી હતી. હાલ તબીબો દ્વારા ઓપરેશન થિયેટરની અંદર તેની સર્જરી ચાલી રહી છે. સમગ્ર મામલે ઈજાગ્રસ્ત યુવાનના મામાએ વાતચીત કરતા જણાવ્યું હતું કે, છોકરીના ચક્કરમાં તેના ભાણેજે આ પ્રકારનું કૃત્ય આચર્યું છે. છોકરી સાથે માથાકૂટ થતાં તેને આપઘાતનો પ્રયાસ કર્યો હોવાનું જણાવ્યું છે.
રતન ટાટા માટે ખૂબ જ ખાસ છે આ વ્યક્તિ, રોજ કમાય છે 30 લાખ રૂપિયા, જાણો સંપત્તિ અને કુલ આવક વિશે
બીજી તરફ, ચર્ચાતી વાત મુજબ ઇજાગ્રસ્ત યુવાનને એક ગર્લફ્રેન્ડ છે. તે દરરોજ પોતાની ગર્લફ્રેન્ડ સાથે વીડિયો કોલિંગમાં રોમાન્સ કરતો હતો. સાથે જ ક્યારેક તે પોતે સેક્સ પાવર વધારવાની દવા પણ લેતો હતો. ગઈકાલે રાત્રે પણ તે પોતાની ગર્લફ્રેન્ડ સાથે વીડિયો કોલમાં વાતચીત કરી રહ્યો હતો. જે દરમિયાન બંને વચ્ચે કોઈ કારણોસર માથાકૂટ થતાં તેને પોતાની જ ઇન્દ્રિયને આ પ્રકારે નુકસાન પહોંચાડ્યું હોવાનું સામે આવ્યું છે.