PM મોદી 5 દિવસ તો અમિત શાહ એક દિવસ ગુજરાત પ્રવાસે, 12 અલગ અલગ જગ્યાએ બૂમ પડાવશે, જાણો શુ મોટો ખેલ રમાઇ જશે અને બધા જોતા રહેશે

Lok Patrika
Lok Patrika
2 Min Read
Share this Article

રાજ્યમાં ટૂંક સમયમાં ચૂંટણી યોજાવા જઈ રહી છે. તમામ પક્ષો દ્વારા તૈયારીઓ કરવામાં આવી રહી છે. આ નવરાત્રિથી ગુજરાતમાં ભાજપ પણ પ્રચાર કરતી જોવા મળશે. નવરાત્રિ શરૂ થતા જ ભાજપના શક્તિશાળી નેતાઓ પીએમ મોદી અને અમિત શાહ ગુજરાત આવી રહ્યા છે. કેન્દ્રીય ગૃહ પ્રધાન અમિત શાહ 27 સપ્ટેમ્બરે ગુજરાતની મુલાકાતે આવશે જ્યારે પીએમ મોદી પાંચ દિવસમાં 12થી વધુ જાહેરસભાઓને સંબોધશે.


પીએમ મોદીનો ગુજરાત પ્રવાસ નવરાત્રિ શરૂ થતાની સાથે જ શરૂ થવાનો છે. તેમના શેડ્યૂલ મુજબ વડાપ્રધાન મોદી 5 દિવસમાં 12થી વધુ જાહેરસભાઓ કરવાના છે. આ દરમિયાન અનેક વિકાસ કાર્યોની ભેટ આપવામાં આવશે. તેઓ 29, 30 સપ્ટેમ્બરના રોજ સુરત, ભાવનગર, અંબાજી જવાના છે. આ સાથે તેઓ 9, 10 અને 11 ઓક્ટોબર એમ ત્રણ દિવસ માટે ગુજરાત આવી રહ્યા છે. PM મોદી 9 ઓક્ટોબરે મોડાસાની મુલાકાતે આવે તેવી શક્યતા છે. આ સાથે 10 ઓક્ટોબરે જામનગર અને ભરૂચના પ્રવાસે છે.

11 ઓક્ટોબરના રોજ રાજકોટના જામકંડોરણા જવાનો કાર્યક્રમ છે. આ સિવાય પીએમ મોદી સપ્ટેમ્બરમાં ગુજરાતની મુલાકાતે પણ આવશે. પીએમ મોદી પહેલા ગૃહમંત્રી અમિત શાહ પણ ગુજરાત આવી રહ્યા છે. અમિત શાહ 27 સપ્ટેમ્બરે બીજી વખત ગુજરાતની મુલાકાતે આવી રહ્યા છે. તેઓ ગાંધીનગરના કલોલ ખાતે રાજ્ય કામદાર વીમા યોજના હેઠળ 150 બેડની અત્યાધુનિક હોસ્પિટલનું ઉદ્ઘાટન કરશે. નોંધનીય છે કે, તેઓ સામાન્ય રીતે દરેક નવરાત્રિમાં તેમના પરિવાર સાથે તેમના વતન મનસાના મંદિરમાં પૂજા કરે છે. આ વખતે પણ તેઓ પરિવાર સાથે માણસા મંદિર જશે.


કેન્દ્રીય ચૂંટણી પંચે વિધાનસભા ચૂંટણીના ભાગરૂપે 17 અને 18 સપ્ટેમ્બરના રોજ અમદાવાદ ગુજરાતમાં એક મહત્વપૂર્ણ બેઠકનું પણ આયોજન કર્યું હતું જેમાં રાજ્યના તમામ જિલ્લા કલેક્ટર અને તમામ જિલ્લાના પોલીસ અને અમદાવાદ, સુરત, બરોડા, જામનગરના પોલીસ કમિશનર પણ ઉપસ્થિત રહ્યા હતા. આ બેઠકો બે દિવસથી અમદાવાદની ખાનગી હોટલમાં યોજાઈ રહી છે. કેન્દ્રીય ચૂંટણી પંચના 9 સભ્યોનું પ્રતિનિધિમંડળ ગુજરાત આવ્યું છે. શનિવાર અને રવિવાર એમ બે દિવસ ગુજરાતમાં અનેક બેઠકો યોજાઈ હતી. ચૂંટણી પંચના પ્રતિનિધિમંડળમાં ત્રણ નાયબ ચૂંટણી કમિશનર પણ સામેલ હતા.


Share this Article
TAGGED: ,