સૂઈ જા દીકર નહીં તો કેજરીવાલ આવી જશે…રાઘવ ચઢ્ઢાએ ફિલ્મી સ્ટાઈલમા કર્યા અરવિંદ કેજરીવાલના વખાણ

Lok Patrika
Lok Patrika
1 Min Read
Share this Article

આમ આદમી પાર્ટીના વરિષ્ઠ નેતા અને રાજ્યસભા સાંસદ રાઘવ ચઢ્ઢાએ ગુજરાતમાં વિધાનસભા ચૂંટણી પ્રચાર દરમિયાન બોલિવૂડની પ્રખ્યાત ફિલ્મ શોલેનો ડાયલોગ બોલ્યો અને કહ્યું, ‘હવે મીલો દૂર પણ કોઈ ભ્રષ્ટાચારી રડે છે તો ત્યારે તેની મા કહે છે સૂઈ જા દીકરા નહીંતર કેજરીવાલ આવશે….’ રાઘવ ચઢ્ઢા બુધવારે કાંકરેજ વિધાનસભામાં AAP ઉમેદવારના પ્રચાર માટે પહોંચ્યા હતા. તેમણે કહ્યું કે ભ્રષ્ટાચારીઓ અરવિંદ કેજરીવાલથી ખૂબ જ ડરે છે.

કાંકરેજમાં રાઘવ ચઢ્ઢાએ કહ્યું કે અરવિંદ કેજરીવાલનો જન્મ માત્ર મોંઘવારી અને ભ્રષ્ટાચારને ખતમ કરવા માટે થયો છે. અરવિંદ કેજરીવાલ અને આમ આદમી પાર્ટી જ સામાન્ય લોકોને મોંઘવારીમાંથી મુક્ત કરાવી શકે છે. રાજ્યસભાના સાંસદ અને ગુજરાત રાજ્યના સહ-પ્રભારી રાઘવ ચઢ્ઢા છેલ્લા ઘણા અઠવાડિયાથી ગુજરાતના વિવિધ વિસ્તારોમાં મોટી જાહેર સભાઓ અને રેલીઓ કરી રહ્યા છે.

તેમણે કહ્યું કે જનતાના અપાર સમર્થનથી ગુજરાતમાં પરિવર્તન આવવાનું છે તે સ્પષ્ટ દેખાઈ રહ્યું છે. આ અગાઉ રાઘવ ચઢ્ઢાએ સુરેન્દ્ર નગરમાં કહ્યું હતું કે અરવિંદ કેજરીવાલની ગેરંટી એ ચૂંટણીનો ખેલ નથી, જે પૂરો નહીં થાય. તેના બદલે અરવિંદ કેજરીવાલ એકવાર વચન આપે છે, તે ચોક્કસપણે તે પૂર્ણ કરે છે. આમ આદમી પાર્ટીની સરકાર બનતાની સાથે જ 1 માર્ચથી ગુજરાતના ઘરોમાં ઝીરો વીજળીનું બિલ આવશે.


Share this Article