દેશની રાજધાની દિલ્હીમાં હવે છોકરીઓની સાથે છોકરાઓ પણ સુરક્ષિત નથી. દિલ્હીમાં બાળકા પર અકુદરતી બળાત્કારની એક ભયાનક ઘટના સામે આવી છે. સીલમપુર વિસ્તારમાં 10 વર્ષના બાળકની સાથે તેના જ ત્રણ મિત્રોએ તેના પર ખૂબ જ ત્રાસવાહી કામ કર્યું જેના કારણે તેનું મોત થઈ ગયું. દિલ્હી પોલીસે જણાવ્યું હતું કે ત્રણેય આરોપીઓ 10 થી 12 વર્ષની વય જૂથના છે અને ત્રણેયએ તેમના 10 વર્ષના મિત્ર સાથે અકુદરતી બળાત્કાર કર્યો હતો.
ન્યૂઝ એજન્સી ANI અનુસાર, પોલીસે જણાવ્યું કે છોકરો ગેરવર્તણૂકને કારણે ઘાયલ થયો હતો અને હોસ્પિટલમાં સારવાર દરમિયાન તેનું મૃત્યુ થયું હતું. આ ઘટના 18 સપ્ટેમ્બરની જણાવવામાં આવી રહી છે. પોલીસે 2 આરોપીને ઝડપી લીધા છે અને ત્રીજાની શોધ ચાલુ છે. ત્રણેય આરોપીઓ સગીર હોવાથી પોલીસે તેમની ઓળખ જાહેર કરવાનો ઈન્કાર કર્યો છે.
મીડિયા રિપોર્ટમાં દાવો કરવામાં આવી રહ્યો છે કે આરોપીઓએ 10 વર્ષના માસૂમ સાથે નિર્ભયા જેવી જ ક્રૂરતા આચરી છે. જણાવવામાં આવ્યું કે પહેલા ત્રણેય મિત્રોએ મળીને માસૂમ સાથે અકુદરતી બળાત્કાર કર્યો અને પછી તેના પ્રાઈવેટ પાર્ટમાં સળિયો નાખ્યો, જેના કારણે માસૂમ ખરાબ રીતે ઘાયલ થઈ ગયો. આ પછી તેને હોસ્પિટલમાં દાખલ કરવામાં આવ્યો, જ્યાં તેની સારવાર ચાલી રહી હતી. પરંતુ હવે દિલ્હી પોલીસે જ તેના મૃત્યુની પુષ્ટિ કરી છે.