પંજાબની ચંદીગઢ યુનિવર્સિટીમાંથી એક ચોંકાવનારો કિસ્સો સામે આવ્યો છે. એક વિદ્યાર્થીનીએ 60 છોકરીઓનો નહાતી વખતે વીડિયો બનાવ્યો હતો જે સોશિયલ મીડિયા પર વાયરલ થયો હતો. આ વાત સામે આવ્યા બાદ ચંદીગઢ યુનિવર્સિટી મોહાલીમાં 8 વિદ્યાર્થીનીઓએ આત્મહત્યાનો પ્રયાસ કર્યો હતો. 2 યુવતીઓની હાલત નાજુક હોવાનું કહેવાય છે. જણાવવામાં આવી રહ્યું છે કે આ અંગે ચંદીગઢ યુનિવર્સિટીમાં વિદ્યાર્થિનીઓએ બપોરે 2.30 વાગ્યે હંગામો મચાવ્યો હતો. યુવતીઓએ ન્યાય માટે નારા લગાવ્યા હતા. પોલીસે આરોપી વિદ્યાર્થીની ધરપકડ કરી છે અને કેસ નોંધવામાં આવ્યો છે.
યુવકને પકડવા માટે પોલીસની એક ટીમ શિમલા જવા રવાના થઈ ગઈ છે. વિદ્યાર્થીએ 60 છોકરીઓનો નહાતી વખતે વીડિયો બનાવ્યો અને આ વીડિયો એક યુવકને મોકલ્યો. યુવકે વિદ્યાર્થિનીઓ નહાતી હોવાનો વીડિયો સોશિયલ મીડિયા પર વાયરલ કર્યો હતો, જેના પછી 8 વિદ્યાર્થિનીઓને ઘેરો આઘાત લાગ્યો હતો અને તેણે આત્મહત્યા કરવાનો પ્રયાસ કર્યો હતો. આ બાબતે પંજાબ મહિલા આયોગના અધ્યક્ષ મનીષા ગુલાટીએ કહ્યું કે ટૂંક સમયમાં આ વીડિયો ઈન્ટરનેટ પરથી હટાવી દેવામાં આવશે. વિદ્યાર્થીઓએ સંયમ જાળવવો.
ઉલ્લેખનીય છે કે, આત્મહત્યાનો પ્રયાસ કરનાર વિદ્યાર્થીનીઓને અલગ-અલગ હોસ્પિટલમાં લઈ જવામાં આવી હતી. આરોપ છે કે ચંદીગઢ યુનિવર્સિટી મેનેજમેન્ટ મામલાને દબાવવા માટે વિદ્યાર્થીઓ પર દબાણ કરી રહ્યું છે. વિદ્યાર્થિનીઓનું કહેવું છે કે તેઓએ કોલેજ મેનેજમેન્ટને ફરિયાદ કરી હતી, પરંતુ કોલેજ મેનેજમેન્ટે આ મામલે કોઈ કાર્યવાહી કરી ન હતી. વિદ્યાર્થિની લાંબા સમયથી અન્ય વિદ્યાર્થિનીઓને નહાતી હોવાનો વીડિયો બનાવી રહી હતી અને તેને શિમલાના એક યુવકને મોકલી રહી હતી.
યુવકે આ વીડિયો ઈન્ટરનેટ પર અપલોડ કર્યો હતો. જ્યારે વિદ્યાર્થીઓએ સોશિયલ મીડિયા પર તેમનો આ વીડિયો જોયો તો તેઓ દંગ રહી ગયા. જ્યારે સાથી છોકરીઓએ આરોપી વિદ્યાર્થીને વીડિયો બનાવીને યુવકને મોકલવા વિશે પૂછ્યું તો તેણે પોતાની ભૂલ સ્વીકારી લીધી. આરોપી વિદ્યાર્થીએ કહ્યું કે હા તેણે નહાતી વખતે છોકરીઓનો વીડિયો રેકોર્ડ કર્યો હતો. 8 છોકરીઓએ પોતાનો વાંધાજનક વીડિયો વાયરલ થયા બાદ આત્મહત્યાનો પ્રયાસ કર્યો હતો, ત્યારે વિદ્યાર્થીનીઓએ ચંદીગઢ યુનિવર્સિટીમાં હંગામો મચાવ્યો હતો. વિદ્યાર્થીઓએ હાથમાં મોબાઈલ ટોર્ચ લઈને સૂત્રોચ્ચાર કર્યા હતા.