India News: ટાટા ગ્રૂપની માલિકીની એર ઈન્ડિયાને શનિવારે તેનું પહેલું એરબસ A350 એરક્રાફ્ટ મળ્યું. કંપની તરફથી આ અંગે માહિતી આપતાં જણાવાયું હતું કે તે VT-JRA તરીકે નોંધાયેલ છે. ભારત પહોંચતા જ પ્લેનનું ઉષ્માભર્યું સ્વાગત કરવામાં આવ્યું હતું.જાન્યુઆરી 2024થી પ્લેનની કોમર્શિયલ સર્વિસ શરૂ થશે તેવી માહિતી આપવામાં આવી હતી. શરૂઆતમાં તે ક્રૂને પરિચિત કરવા માટે સ્થાનિક સ્તરે સંચાલિત કરવામાં આવશે. આ પછી, લાંબા અંતર માટે સેવાઓ પ્રદાન કરવામાં આવશે.
India's first @Airbus A350-900 has come home in the bold, new Air India livery, and it received a grand welcome at @DelhiAirport.
It is touchdown of a new Air India. For a new, resurgent India.#AI350 #AirIndia #FlyAI #ThisIsNewAirIndia pic.twitter.com/V1vKk6m81V
— Air India (@airindia) December 23, 2023
એર ઈન્ડિયા તરફથી A350 સાથેના કોમર્શિયલ ઓપરેશન્સ અંગે આગામી સપ્તાહોમાં જાહેરાત કરવામાં આવશે. એર ઈન્ડિયાના સીઈઓ અને એમડી કેમ્પબેલ વિલ્સને કહ્યું કે આ ક્ષણ તમામ એરલાઈન્સ કર્મચારીઓ માટે યાદગાર દિવસ બની ગઈ છે. A350 એ માત્ર મેટલ અને એન્જિનનું મિશ્રણ નથી, પરંતુ અમારી એરલાઇનના સતત પરિવર્તન અને એર ઇન્ડિયાના કર્મચારીઓની પ્રતિબદ્ધતાનું ઉદાહરણ છે. એરબસ A350-900 કોલિન્સ એરોસ્પેસ દ્વારા ડિઝાઇન કરાયેલ 316 બેઠકો સાથે ત્રણ-ક્લાસ કેબિન કન્ફિગરેશનમાં આવે છે.
ફરી એકવાર LPG સિલિન્ડરના ભાવમાં મોટો ઘટાડો, સીધો 39 રૂપિયા સસ્તો થયો, નવા વર્ષ પહેલા મળી ભેટ
એરબસ A350માં 28 ખાનગી બિઝનેસ ક્લાસ સ્યુટ, 24 પ્રીમિયમ ઇકોનોમી સીટ અને 264 ઇકોનોમી ક્લાસ સીટ છે. કંપની દ્વારા જણાવવામાં આવ્યું હતું કે એરક્રાફ્ટની તમામ સીટોમાં લેટેસ્ટ જનરેશન Panasonic eX3 ઇન-ફ્લાઇટ એન્ટરટેઇનમેન્ટ સિસ્ટમ અને HD સ્ક્રીન છે. કંપનીના કર્મચારીઓને ડિલિવરી વિશે માહિતી આપતા વિલ્સને કહ્યું કે ટૂંક સમયમાં એરલાઇનના ગ્રાઉન્ડ સ્ટાફ તેમજ એર ઇન્ડિયા એક્સપ્રેસના કર્મચારીઓ માટે નવો ડ્રેસ રજૂ કરવામાં આવશે.