હવે મામલો આકરે પાણીએ છે હોં, સિંગર સિદ્ધુ મુસેવાલાની હત્યાની જે જાણકારી આપશે એમને 5 લાખના ઈનામની જાહેરાત

Lok Patrika
By Lok Patrika
Share this Article

ફેમસ પંજાબી સિંગર સિદ્ધુ મુસેવાલાની ૨૯ મે રવિવારના રોજ ગોળી મારીને હત્યા કરવામાં આવી હતી, ત્યારથી પોલીસ તેમના ખૂનિઓની શોધમાં લાગી ગઇ છે, તેમજ સિંગરના ચાહકોમાં પણ પોતાના પસંદીદા સિંગરની મોતને લઇને આક્રોશ અને દુખ બને જાેવા મળી રહ્યો છે. આ વચ્ચે ગેંગસ્ટર ભૂપ્પી રાણા ગેંગે ફેસબુક પર સિદ્ધુ મુસેવાલાની હત્યા અંગે માહિતી આપનારને ૫ લાખ રૂપિયાનું ઈનામ આપવાની જાહેરાત કરી છે.

ફેસબુક પર ગેંગસ્ટર ભૂપ્પી રાણા ગેંગ દ્વારા શેર કરવામાં આવેલી પોસ્ટમાં લખ્યુ છે કે, તમામ ભાઈઓ, બહેનો, માતાઓ અને વડીલોને સત શ્રી અકાલ, હું તમારી સાથે એક વાત શેર કરવા માંગુ છું, અમારા ભાઈ દલેર જાટ સિદ્ધુની હત્યા કરી છે, જે કોઈ સિદ્ધુ મૂસવાલાની હત્યા વિશે માહિતી આપશે તેને ૫ લાખ રૂપિયાનું ઈનામ આપવામાં આવશે, અને માહિતી આપનારનું નામ ગુપ્ત રાખવામાં આવશે.”

સિદ્ધુ મુસેવાલાની હત્યા બાદ બંબીહા ગ્રુપ સાથે સંકળાયેલી ગેંગ સોશિયલ મીડિયા પર સતત સક્રિય છે અને એવો પણ દાવો કરી રહી છે કે તેમની કોઈ ગેંગનો સિદ્ધુ મુસેવાલા સાથે કોઈ સંબંધ નથી. આ હોવા છતાં, તેઓ લોરેન્સ બિશ્નોઈ ગેંગને નિશાન બનાવી રહ્યા છે અને આ હત્યાનો બદલો લેવાની ધમકી આપી રહ્યા છે. જાેકે, આજે પંજાબ હાઈકોર્ટમાં જ સરકારે ખુલાસો કર્યો છે કે, હત્યા માટે નોંધાયેલી એફઆઈઆરમાં મૂસેવાલાના નામનો ઉલ્લેખ પણ નથી.

ભૂપ્પી રાણા ગેંગ નીરજ બવાના અને બંબીહા ગ્રુપનો સહયોગી છે. બુધવારે દિલ્હી સ્થિત નીરજ બવાના ગેંગે પંજાબમાં સિદ્ધુ મુસેવાલાની થયેલી હત્યાના પગલે બદલો લેવાની ધમકી આપી હતી. આ સાથે જ સોશિયલ મીડિયા પર વાયરલ થઈ રહેલી ફેસબુક પોસ્ટમાં, ગેંગે માત્ર બે દિવસમાં જવાબી હુમલો કરવાની પણ ધમકી આપી છે. આ પોસ્ટ નીરજ બાવાના દિલ્હી એનસીઆર’ નામની ફેસબુક પ્રોફાઇલ દ્વારા અપલોડ કરવામાં આવી હતી.


Share this Article
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly