મારી માંગ પુરી કરો બાકી હું કૂદકો મારી જઈશ, ભાજપનો ઝંડો હાથમાં લઈને 100 ફૂટ ઊંચી ટાંકી પર ચઢી ગયો, 6 કલાક માથાકૂટ પછી ઉતાર્યો

Lok Patrika
Lok Patrika
2 Min Read
Share this Article

ઉત્તર પ્રદેશના હરદોઈમાં વરસાદ વચ્ચે એક આધેડ વ્યક્તિએ 5થી 6 કલાક સુધી વહીવટીતંત્રની ઊંઘ હરામ કરી નાખી. કેટલીક પારિવારિક અને સામાજિક માંગને કારણે એક વ્યક્તિ હાથમાં ભાજપનો ઝંડો લઈને 100 ફૂટ ઉંચી પાણીની ટાંકી પર ચઢી ગયો અને જો માંગણીઓ નહીં સંતોષાય તો ટાંકીમાંથી કૂદી જવાની ધમકી આપતો રહ્યો.

માહિતી મળતા પોલીસ પ્રશાસનના અધિકારીઓએ સમજાવવાનો પ્રયાસ કર્યો હતો. લગભગ 6 કલાક સુધી હાઇપ્રોફાઇલ ડ્રામા ચાલ્યો. લોકોની સમજાવટ પર તે વ્યક્તિ નીચે ઉતર્યો હતો. હરદોઈના કોતવાલી વિસ્તારમાં વિભૂતિ નગર વિસ્તારમાં બનેલી પાણીની ટાંકી પર પવન નામનો આ વ્યક્તિ હતો. તેણે અવાજ કરવાનુ શરૂ કર્યું. લોકોની નજર પડતાં જ પોલીસને માહિતી આપવામાં આવી હતી. માહિતી મળતાં જ પોલીસ અને વહીવટી અધિકારીઓ પહોંચ્યા અને પવન સાથે મોબાઈલ પર વાત કરીને સમજાવવાનો પ્રયાસ કર્યો, પરંતુ તે ઉતરવા તૈયાર નહોતો.

આ દરમિયાન અધિકારીઓએ પવનની પત્ની, ભાઈ અને માતાને પણ બોલાવ્યા.  ત્યારબાદ તેણે કૂદવાની ધમકી આપવાનું શરૂ કર્યું. ઘણા સમય સુધી વહીવટી અધિકારીઓ અને વિસ્તારના લોકો સમજાવતા રહ્યા. લગભગ 6 કલાકની મહેનત બાદ પવન નીચે ઉતરવા માટે તૈયાર થયો.

અધિકારીઓનું કહેવું છે કે પવને પારિવારિક અને સામાજિક સમસ્યાઓ અંગે ઓનલાઈન ફરિયાદ કરી હતી જેના કારણે તે પાણીની ટાંકી પર ચઢ્યો હતો. પવનની ફરિયાદોનો નિયમ મુજબ નિકાલ કરવામાં આવશે. પાણીની ટાંકી પરથી નીચે ઉતર્યા બાદ પોલીસ પવનને કોતવાલી લઈ ગઈ છે.

મ્યુનિસિપલ મેજિસ્ટ્રેટ સદાનંદ ગુપ્તાએ કહ્યું કે પવન તેના પરિવારથી નારાજ જણાતો હતો. પવનના પિતા સાવકા પિતા છે. ઘરમાં તેમનું ધ્યાન નથી મળતું. કેટલાક માનસિક રીતે પરેશાન હતા, તેમને સમજાવવાનો પ્રયાસ કરવામાં આવ્યો છે. આ સંદર્ભે પવનના પરિવાર સાથે વાતચીત કરવામાં આવશે.


Share this Article