જાણે કે ધરતી પર જ સ્વર્ગ આવી ગયું, શિમલા, કાશ્મીર, બદ્રીનાથ….ચારેબાજુ ઘાટીઓએ ઓઢી લીધી બરફની ચાદર

Lok Patrika
Lok Patrika
2 Min Read
Share this Article

ઉત્તર ભારતમાં અત્યારે ઠંડીનો ચમકારો અનુભવાઈ રહ્યો છે. કાશ્મીરથી લઈને ઉત્તરાખંડ અને હિમાચલ પ્રદેશના અમુક વિસ્તારોમાં પાછલા થોડાક દિવસોથી સતત હિમવર્ષા થઈ રહી છે. હિમવર્ષાને કારણે પ્રવાસીઓ ખુશ થઈ ગયા છે અને ત્યાં સુંદર દ્રશ્યોની મજા માણી રહ્યા છે. ચારેબાજુ બરફની સફેદ ચાદર પથરાયેલી જણાઈ રહી છે. આ સમયે ફરવા ગયેલા ટૂરિસ્ટ ખુશ થઈ ગયા છે. જાે કે હિમવર્ષાને કારણે સામાન્ય લોકોના જીવન પ્રભાવિત થયા છે. ફ્લાઈટ્‌સ પણ રદ્દ થઈ છે.

હિમાચલ પ્રદેશની રાજધાની શિમલામાં વર્ષ ૨૦૨૨ની પ્રથમ હિમવર્ષા શનિવારના રોજ થઈ હતી. ત્યારપછીથી અહીં બરફ પડી રહ્યો છે. શિમલાની સાથે સાથે ધ રિજ, બેનમોર અને સંજાેલિ સહિત રાજ્યના અન્ય ઉપરના વિસ્તારોમાં પણ હિમવર્ષા થઈ છે.

લાહૌલ-સ્પિતિ, કિન્નૌર, પાંગી અને ચંબા જિલ્લાના ભરમૌરમાં પણ હિમવર્ષા થઈ છે.શિમલા અને હિમાચલ પ્રદેશના અન્ય વિસ્તારોમાં થયેલી હિમવર્ષાની તસવીરો સોશિયલ મીડિયા પર છવાઈ છે.

ત્યાં હાજર પ્રવાસીઓ તસવીરો અને વીડિયો શેર કરી રહ્યા છે. ઉત્તરાખંડના ચમોલી જિલ્લામાં પણ બરફ પડી રહ્યો છે, જેના કારણે બદ્રીનાથ ધામ પણ સફેદ ચાદરથી લપેટાઈ ગયું છે. કાશ્મીરની વાત કરીએ તો, સોપોર, શોપિંયાં, શ્રીનગરની સાથે સાથે જમ્મુના કટરા સ્થિત માતા વૈષ્ણોદેવી ધામમાં પણ સીઝનનો પ્રથમ બરફ પડ્યો છે. અહીંની બેટરી કાર સેવા અને હેલિકોપ્ટર સેવા પ્રભાવિત થઈ છે. શ્રીનગર એરપોર્ટની કામગીરી પણ પ્રભાવિત થઈ છે.

એરપોર્ટ પરથી બરફ હટાવવાનું કામ હજી ચાલી રહ્યું છે. ઉલ્લેખનીય છે કે શનિવારના રોજ શ્રીનગરથી લગભગ ૧૦ ફ્લાઈટ કેન્સલ કરવામાં આવી હતી. હિમવર્ષા અને ભૂસ્ખલનને કારણે જમ્મુ-શ્રીનગર નેશનલ હાઈવે પણ બંધ કરવામાં આયો હતો.

ઉલ્લેખનીય છે કે કાશ્મીરમાં ૪૦ દિવસ ચિલ્લઈ કલાં તરીકે ઓળખવામાં આવે છે,જ્યારે ત્યાં ઠંડી વધી જાય છે અને તાપમાન શૂન્યથી પણ ઓછું થઈ જાય છે. આ સમય દરમિયાન શ્રીનગરના પ્રખ્યાત ડલ લેકમાં પણ પાણી થીજી જાય છે. ચિલ્લઈ કલાંની શરુઆત ૨૧ ડિસેમ્બરથી થઈ અને ૩૧ જાન્યુઆરીના રોજ સમાપ્ત થશે.


Share this Article
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly