વેલેન્ટાઈન વીકની શરૂઆત રોઝ ડેથી થાય છે. આ દિવસે લોકો પોતાના પાર્ટનરને રોઝ આપીને પોતાનો પ્રેમ વ્યક્ત કરે છે. પ્રેમીઓ આખું વર્ષ વેલેન્ટાઈન વીકની રાહ જોતા હોય છે. વેલેન્ટાઈન સપ્તાહ 7મી ફેબ્રુઆરીથી શરૂ થાય છે અને 14મી ફેબ્રુઆરી સુધી ચાલે છે. રોઝ ડે દર વર્ષે 7 ફેબ્રુઆરીએ ઉજવવામાં આવે છે. ત્યારે આજે અમે તમને રોઝ ડે કેમ ઉજવવામાં આવે છે તે જણાવવા જઈ રહ્યા છીએ. અને તેની પાછળની કહાની શું છે.
રોઝ ડે પર, લોકો તેમને ગમતા લોકોને તેમનો પ્રેમ વ્યક્ત કરે છે. આ દિવસે લોકો સામેની વ્યક્તિને રોજ આપીને પોતાની ભાવનાઓ વ્યક્ત કરે છે.
ગુલાબના ફૂલને વ્યક્તિની ભાવનાઓ વ્યક્ત કરવાનું પ્રતીક માનવામાં આવે છે. એવું માનવામાં આવે છે કે મુગલ બેગમ નૂરજહાંને લાલ ગુલાબ ખૂબ જ પસંદ હતા. કહેવાય છે કે નૂરજહાંનું દિલ ખુશ કરવા માટે તેના પતિ દરરોજ તેના મહેલમાં તાજા ગુલાબ મોકલતા હતા. બીજી માન્યતા અનુસાર, રાણી વિક્ટોરિયા માટે ગુલાબની આપ-લે કરવાની પરંપરા શરૂ કરવામાં આવી હતી. એવું માનવામાં આવે છે કે વિક્ટોરિયન અને રોમન લોકો પણ તેમના પ્રેમને ગુલાબથી વ્યક્ત કરતા હતા.
ગુલાબના અલગ-અલગ રંગોના અલગ-અલગ અર્થ હોય છે. રોઝ ડે પર કોઈને ગુલાબ આપતી વખતે એ જાણવું જરૂરી છે કે તમે સામેની વ્યક્તિને જે ગુલાબ આપી રહ્યા છો તેનો અર્થ શું છે.
લાલ ગુલાબ પ્રેમ, જુસ્સો અને લાગણીઓ સાથે સંકળાયેલા છે. લાલ ગુલાબની ખાસિયત એ છે કે તેને આપીને તમે સામેની વ્યક્તિને એ અહેસાસ કરાવો છો કે તમે તેમને કેટલો પ્રેમ કરો છો.
પીળા ગુલાબને મિત્રતાનું પ્રતિક માનવામાં આવે છે. જો તમે તમારા મિત્રોને કહેવા માંગતા હોવ કે તમે તેમને પ્રેમ કરો છો તો તમે તેમને પીળા ગુલાબ આપી શકો છો. પીળો રંગ સુખ અને સારા સ્વાસ્થ્યનું પણ પ્રતીક છે.
સફેદ ગુલાબ ત્યારે આપવામાં આવે છે જ્યારે તમે કોઈની સાથે ઘણી લડાઈ કરી હોય પરંતુ હવે તમે બધું ભૂલીને તમારા સંબંધને નવી રીતે શરૂ કરવા માંગો છો. આ સિવાય સફેદ ગુલાબને શાંતિનું પ્રતીક પણ માનવામાં આવે છે.
પિંક રોઝ, વેલેન્ટાઈન ડે માત્ર કપલ્સ માટે જ નથી. તમે તેને તમારા માતા-પિતા સાથે પણ ઉજવી શકો છો. તમે રોઝ ડે પર તેમને ગુલાબી ગુલાબ આપી શકો છો. ગુલાબી ગુલાબ કોઈને આભાર કહેવા માટે આપવામાં આવે છે.