આવતીકાલે ધોની કરશે મોટી જાહેરાત, ફેસબુક પર પોસ્ટ શેર કરી આપી માહિતી, શુ લેશે IPLમાંથી નિવૃત્તિ?

ભારતીય ક્રિકેટ ચાહકો અને ખાસ કરીને મહેન્દ્ર સિંહ ધોનીના ચાહકો શનિવારે 24 સપ્ટેમ્બરના રોજ ફેસબુક પર એક પોસ્ટ જોઈને ચોંકી ગયા છે. મહેન્દ્ર સિંહ ધોનીએ પોતાના ઓફિશિયલ ફેસબુક એકાઉન્ટ પર એક પોસ્ટ કરી છે જેને જોઈને ફેન્સ એકદમ કન્ફ્યુઝ થઈ ગયા છે. મહેન્દ્ર સિંહ ધોનીએ પોતાની પોસ્ટમાં લખ્યું છે કે તે આવતીકાલે રવિવાર 25 સપ્ટેમ્બરે બપોરે બરાબર 2 વાગ્યે ફેસબુક પર લાઈવ થવા જઈ રહ્યો છે અને તે એક ખાસ સમાચાર શેર કરશે.

આ પોસ્ટમાં તેણે તેના તમામ ચાહકોને આ લાઈવ સેશનમાં જોડાવા માટે કહ્યું છે. આવી સ્થિતિમાં ચાહકો તેના માટે ખૂબ જ ઉત્સુક બન્યા છે. જો કે હવે દરેક લોકો વિચારી રહ્યા છે કે એવા કયા ખાસ સમાચાર હશે જે મહેન્દ્ર સિંહ ધોની બધા સાથે શેર કરવા જઈ રહ્યા છે.

બધા ચાહકો હવે આ વિશે અટકળો લગાવી રહ્યા છે. ઘણા ચાહકો માને છે કે કદાચ તે આઈપીએલમાંથી નિવૃત્તિ લેવા જઈ રહ્યો છે, તો ઘણા ચાહકો તેને કોઈ જાહેરાત સાથે જોડી રહ્યા છે.

જો કે આમાં નિવૃત્તિ સંબંધિત સમાચારોની વધુ શક્યતા જણાય છે. BCCI પ્રમુખ સૌરવ ગાંગુલીએ તાજેતરમાં IPL 2023 વિશે માહિતી આપી હતી કે તે હોમ-અવે ફોર્મેટમાં હશે. એમએસ ધોનીએ ગયા વર્ષની આઈપીએલના અંતે પણ બધાને જાણ કરી હતી કે તે ચેન્નાઈમાં તેની છેલ્લી મેચ રમશે.

Translate »