ઓહ બાપ રે: દૂધ અને દહીંના ભાવમાં થશે તોતિંગ વધારો, આ મોટી ડેરીના અધિકારીએ કર્યો ખતરનાક ઘટસ્ફોટ, કારણ જાણીને ઝાટકો લાગશે

વધતી મોંઘવારી વચ્ચે દૂધ અને દહીંના ભાવમાં પણ વધારો થવાની સંભાવના છે. ડેરી ઉત્પાદનોનો બિઝનેસ કરતી કંપની મધર ડેરી આગામી કેટલાક મહિનામાં દૂધ અને દહીંના ભાવમાં વધારો કરી શકે છે એવો સંકેત કંપનીના અધિકારીએ આપ્યો છે. મધર ડેરીએ આશા વ્યક્ત કરી છે કે ચાલુ નાણાકીય વર્ષમાં તેનું વેચાણ 20 ટકા વધી શકે છે. કંપનીએ કિંમતોમાં થયેલા વધારાને આ માટે જવાબદાર ગણાવ્યું છે. મધર ડેરીએ કહ્યું કે આ વર્ષે તેનું ટર્નઓવર 15,000 કરોડ રૂપિયા સુધી જઈ શકે છે. દૂધ અને ડેરી ઉત્પાદનો સિવાય મધર ડેરી ફળો અને શાકભાજીનો પણ બિઝનેસ કરે છે.

મધર ડેરીએ તાજેતરમાં જ દૂધ-દહીં, છાશ વગેરેના ભાવમાં વધારાનું કારણ આપીને ભાવમાં વધારો કર્યો હતો. કંપનીએ આ સાથે એમ પણ કહ્યું હતું કે ડીઝલના ભાવ વધવાને કારણે પરિવહન ખર્ચ વધી ગયો છે. તેથી દર વધારવા સિવાય બીજો કોઈ વિકલ્પ નથી. કંપનીનું એમ પણ કહેવું છે કે દૂધ અને દહીં જેવા ડેરી ઉત્પાદનોના ભાવમાં વધારાનો ફાયદો તે ખેડૂતોને પણ થાય છે જેઓ તેમનો માલ મધર ડેરીને વેચે છે.

મધર ડેરીના મેનેજિંગ ડિરેક્ટર મનીષ બંદલીશ વેચાણમાં વધારા વિશે કહે છે કે ચાલુ નાણાકીય વર્ષમાં દૂધ અને ડેરી ઉત્પાદનોની માંગમાં 15 ટકાથી વધુનો વધારો જોવા મળી રહ્યો છે જેનો લાભ મધર ડેરીને મળી રહ્યો છે. મધર ડેરીનો 70 ટકા બિઝનેસ માત્ર દૂધ અને ડેરી ઉત્પાદનોનો છે. આ વર્ષે આઈસ્ક્રીમનું વેચાણ પણ બમ્પર થવાની ધારણા છે કારણ કે તેનો બિઝનેસ કોરોનામાં અટકી ગયો હતો.

Translate »