હેન્ડસેટ નિર્માતા સેમસંગ 2023ની શરૂઆતમાં ગ્રાહકો માટે તેની નવી Samsung Galaxy S23 શ્રેણી લોન્ચ કરી શકે છે. સેમસંગ ગેલેક્સી એસ23 ઉપરાંત સેમસંગ ગેલેક્સી એસ23 પ્લસ અને સેમસંગ ગેલેક્સી એસ23 અલ્ટ્રા આ સીરીઝ હેઠળ લોન્ચ થવાની શક્યતા છે. આવનારા સ્માર્ટફોનના પ્રમોશન માટે ઉપયોગમાં લેવાતું પોસ્ટર તેના લોન્ચ પહેલા જ લીક થઈ ગયું છે. રિપોર્ટ અનુસાર પોસ્ટરમાં Galaxy S23 Plusનો ફર્સ્ટ લુક અને Samsung Galaxy S23 Ultraની ડિઝાઇન અને રંગ બતાવવામાં આવ્યો છે. આ સીરીઝ Galaxy Ace 23નું બેઝ વેરિઅન્ટ આ પોસ્ટર પર દેખાતું નથી.
Samsung Galaxy S23 Plusનું પોસ્ટર લીક
પોસ્ટરમાં સેમસંગ ગેલેક્સી એસ23 પ્લસ ગુલાબી રંગમાં દેખાય છે. આમાં સ્ક્રીનની ટોચ પર મધ્યમાં પંચ હોલ ડિઝાઇન જોવા મળશે અને પાછળની બાજુએ ટ્રિપલ કેમેરા સેટઅપ છે જ્યારે તેનું અલ્ટ્રા વેરિઅન્ટ લીલા કલરમાં જોવામાં આવ્યું છે. પરંતુ તેના અન્ય કલર ઓપ્શન પણ આવવાની ધારણા છે.
સેમસંગ ગેલેક્સી S23 સીરીઝમા આ હશે ખાસ
-સૉફ્ટવેર: આ આવનારી સિરીઝ હેઠળ લૉન્ચ થનારા સ્માર્ટફોન Android 13 ઑપરેટિંગ સિસ્ટમ સાથે આવી શકે છે.
-પ્રોસેસરઃ સ્પીડ અને મલ્ટીટાસ્કીંગ માટે, આ આવનારી સીરીઝ ક્વોલકોમના સ્નેપડ્રેગન 8 જનરેશન 2 ઓક્ટા કોર પ્રોસેસરથી સજ્જ હોવાની શક્યતા છે.
-કેમેરા: અહેવાલ મુજબ સેમસંગ ઇલેક્ટ્રોનિક્સના મોબાઇલ એક્સપિરિયન્સ વિભાગે પુષ્ટિ કરી છે કે આગામી સેમસંગ ગેલેક્સી એસ23 અલ્ટ્રામાં 200-મેગાપિક્સલનો કેમેરા જોઇ શકાય છે.
-બેટરીઃ Tipster Ice Universeએ Weibo પર જણાવ્યું હતું કે સ્માર્ટફોનમાં 5000 mAh બેટરી આપી શકાય છે.