15 શહેરોમાં આંદોલન, મહિલાઓએ વાળ કાપ્યા, હિઝાબ સળગાવ્યા, અઢળક મહિલાના મોત, જાણો કેમ આટલું ભડક્યું

ઈરાનમાં હિજાબ વિરુદ્ધ ચાલી રહેલા વિરોધ પ્રદર્શનો હિંસક બની ગયા છે. ઈરાની સુરક્ષા દળોએ પ્રદર્શનોને ડામવાના પ્રયાસમાં અત્યાર સુધીમાં 31 નાગરિકો માર્યા ગયા છે. પ્રદર્શનમાં મહિલાઓની સાથે પુરુષોએ પણ ભાગ લીધો હતો. હવે તે 15 શહેરોમાં ફેલાઈ ગઈ છે. પોલીસ અને પ્રદર્શનકારીઓ વચ્ચે હિંસક અથડામણ પણ થઈ રહી છે. પોલીસે આંદોલનકારી લોકોને રોકવા માટે ગોળીબાર કર્યો હતો.

ગુરુવારે વધુ ત્રણ પ્રદર્શનકારીઓ ગોળીબારમાં માર્યા ગયા હતા. 5 દિવસમાં મૃત્યુઆંક વધીને 31 થઈ ગયો છે. સેંકડો લોકો ઘાયલ થયા છે. 1000થી વધુ લોકોની ધરપકડ કરવામાં આવી છે. ઈરાનના માનવાધિકાર નિયામક મહમૂદ અમીરી-મોગદ્દમએ એક નિવેદનમાં જણાવ્યું હતું કે: “ઈરાનના લોકો તેમના મૂળભૂત અધિકારો અને માનવીય ગરિમાનો દાવો કરવા માટે રસ્તા પર ઉતરી આવ્યા છે… સરકાર તેમના શાંતિપૂર્ણ વિરોધને ગોળીઓથી જવાબ આપી રહી છે.”

દેશભરના 30 થી વધુ શહેરોમાં વિરોધ ચાલી રહ્યો છે. આ પ્રદર્શન સૌપ્રથમ ઈરાનના ઉત્તરી પ્રાંત કુર્દિસ્તાનથી શરૂ થયું હતું, પરંતુ હવે તે ધીરે ધીરે સમગ્ર દેશમાં ફેલાઈ ગયું છે. કુર્દીસ્તાન જ્યાં અમીનીનો જન્મ થયો હતો. મોરલ પોલીસિંગ સામે યુવાનોએ ગરશાદ નામની મોબાઈલ એપ બનાવી છે. આ એપને 5 દિવસમાં 10 લાખ લોકોએ ડાઉનલોડ કરી છે. આ એપ દ્વારા યુવાનોને પ્રદર્શનમાં જોડાવા માટે પ્રેરિત કરવામાં આવી રહ્યા છે.

તેને જોતા તેહરાનમાં મોબાઈલ ઈન્ટરનેટ બંધ કરી દેવામાં આવ્યું છે અને ઈન્સ્ટાગ્રામ બ્લોક કરી દેવામાં આવ્યું છે. 13 સપ્ટેમ્બરે ઈરાન પોલીસે મહસા અમીની નામની યુવતીની હિજાબ ન પહેરવા બદલ ધરપકડ કરી હતી. ત્રણ દિવસ પછી એટલે કે 16 સપ્ટેમ્બરે તેમનું અવસાન થયું. જે બાદ દેશભરમાં વિરોધ શરૂ થયો હતો.

Translate »