અમદાવાદના પ્લેબોયની કામલીલાનો ભાંડો ફૂટ્યો, 3 પ્રેમિકાની મદદથી પત્નીએ પતિને ઉઘાડો પાડી દીધો

ઘરેથી અવાર-નવાર ભેદી સંજોગોમાં ગાયબ થઈ જતાં પતિની કામલીલાનો ભાંડો ખુદ તેની જ પત્નીએ ફોડ્યો છે. પશ્ચિમ અમદાવાદના એક પોશ વિસ્તારમાં રહેતા રાહુલ (નામ બદલ્યું છે)ના લગ્ન ૧૦ વર્ષ પહેલા રીના સાથે થયા હતા. બંનેના લવ મેરેજ હતા, અને હાલ તેમને આઠ વર્ષનો એક દીકરો પણ છે. જોકે, પ્લેબોય ટાઈપ ઈમેજ ધરાવતો રાહુલ લગ્ન બાદ પણ બહાર મ્હો મારવાની આદત ધરાવતો હતો. રાહુલની ગતિવિધિઓ પર શંકા પડતાં તેની પત્ની રીનાએ જ તેની જાસૂસી કરવાનું શરુ કર્યું હતું.

પહેલા તો રાહુલ કામનું બહાનું કરીને અચાનક જ ઘરેથી લાંબા સમય માટે ગાયબ થઈ જતો હતો. રીના કંઈ પૂછે તો ગોળગોળ જવાબ આપતો હતો અને રીના સાથે બરાબર રીતે વાત ના કરી તેને પણ ત્રાસ આપવા લાગ્યો હતો. રાહુલની આવી કરતૂતોથી રીનાને તેનું બહાર લફરું ચાલતું હોવાની શંકા પડી હતી. આ અંગે તેણે પોતાના સાસરિયાંને પણ વાત કરી હતી. જાેકે, તેમણે રીનાને રાહુલ પર શંકા કરવાનું છોડી દેવાનું કહી વાત દાબી દેવાનો પ્રયાસ કર્યો હતો.

રાહુલના વર્તનમાં કોઈ સુધારો ના આવતા આખરે રીનાએ તેનો ફોન ચેક કરવાનું શરુ કર્યું હતું. જેમાં તેને વોટ્‌સએપ પર કેટલીક શંકાસ્પદ ચેટ દેખાઈ હતી. રાહુલ જે ત્રણ વ્યક્તિ સાથે વાત કરી રહ્યો હતો તેની સાથે થયેલા ચેટિંગને જાેઈને જ રીનાની શંકા સાચી પડી હતી. જેની સાથે પોતે લવમેરેજ કર્યા છે તે પતિ જ તેને છેતરી રહ્યો છે તે વાતની ખાતરી થતાં રીના અંદરથી હચમચી ગઈ હતી. જાેકે, તેણે હિંમત રાખીને પતિને પાઠ ભણાવવાનું નક્કી કર્યું હતું.

જે ત્રણ યુવતીઓ સાથે રાહુલ વાતો કરતો હતો તે ત્રણેયના રીનાએ નંબર મેળવી લીધા હતા અને તેમનો સંપર્ક સાધ્યો હતો. પોતે રાહુલની કાયદેસરની પત્ની છે તેવું તેની ત્રણેય પ્રેમિકાને જણાવી રીનાએ તેમની સાથે આ મામલે વિગતે વાત કરી હતી. આ ત્રણેય યુવતીઓએ પોતાના રાહુલ સાથેના સંબંધોનો સ્વીકાર કરતા જણાવ્યું હતું કે રાહુલે તેમને એ વાત તો ક્યારેય કહી જ નથી કે તે પરણેલો છે અને તેને એક બાળક પણ છે. રાહુલે તેમની સાથે પણ દગો કર્યો હોવાની જાણ થતાં આ ત્રણેય યુવતીઓએ પણ રાહુલને સીધો કરવા માટે રીનાનો સાથ આપવાનું નક્કી કર્યું હતું.

આખરે ચારેયે ભેગા થઈને રાહુલને એક જગ્યાએ બોલાવ્યો હતો. રાહુલ ત્યાં પહોંચ્યો ત્યાં સુધી તેને તો ખબર જ નહોતી કે તેનો ભેટો તેની કોઈ એક પ્રેમિકા સાથે નહીં, પરંતુ પત્ની તેમજ ત્રણેય પ્રેમિકા જાેડે એક સાથે થવાનો છે. આખરે ચારેય મહિલાઓનો સામનો થતાં રાહુલની હાલત કાપો તો પણ લોહી ના નીકળે તેવી થઈ ગઈ હતી. આખરે આ મામલે અભયમને જાણ કરાતા પોલીસની ટીમ પહોંચી હતી અને રાહુલ તેમજ રીનાનું કાઉન્સેલિંગ કર્યું હતું. ટીમે રાહુલને પોતાના લગ્નેત્તર સંબંધોનો અંત લાવી દેવા માટે પણ કહ્યું હતું.

Translate »