આ બ્લડ ગ્રુપને કહેવાય છે દેવતાઓનું લોહી! દુનિયામાં ખાલી આ બ્લડ ગ્રુપવાળા 45 લોકો જ છે

કહેવાય છે કે રક્તદાન એ મહાન દાન છે. દુનિયા હંમેશા તેમને સલામ કરે છે જેઓ જરૂર પડ્યે કોઈનો જીવ બચાવવા માટે પોતાનું લોહી આપે છે. તબીબી પુસ્તકો અનુસાર માનવ શરીરમાં આઠ પ્રકારના રક્ત જૂથ જોવા મળે છે. આ દરમિયાન વૈજ્ઞાનિકોએ માનવ શરીરમાં એક દુર્લભ અને નવા પ્રકારના બ્લડ ગ્રુપની શોધ કરી છે. આ લોહી એટલું કીમતી અને દુર્લભ છે કે આખી દુનિયામાં માત્ર 45 લોકોના શરીરમાં જ છે. તેની ઓળખ કરવી પણ મુશ્કેલ હતી. ચાલો જાણીએ કે શું છે આ બ્લડ ગ્રુપનું નામ? શા માટે તેને રેર કહેવામાં આવી રહ્યું છે?

સાયન્સ મ્યુઝિયમ ગ્રૂપ’માં છપાયેલા અહેવાલ મુજબ પ્રાચીન ગ્રીસમાં એવું માનવામાં આવતું હતું કે દેવતાઓ પાસે સુવર્ણ રક્ત હતું જેને ઇકાર કહેવામાં આવતું હતું. આ પ્રવાહી તેમને અમર બનાવવા માટે સક્ષમ હતું પરંતુ તે નશ્વર માટે એટલે કે સામાન્ય માનવીઓ માટે ઝેરી માનવામાં આવતું હતું. ત્યારબાદ 1961માં ‘ગોલ્ડન બ્લડ’ ધરાવતા એક માણસની શોધ થઈ. તેની દુર્લભતા અને પુષ્કળ વૈજ્ઞાનિક મહત્વને કારણે તે સુવર્ણ રક્ત તરીકે ઓળખાય છે.

જો કે લાંબા સમયથી આ દુર્લભ લોહીની માહિતી લોકોથી છૂપાવી રાખવામાં આવી હતી. પરંતુ હવે આની દરેક માહિતી આખી દુનિયા માટે જાહેર થઈ ગઈ છે. આ દુર્લભ બ્લડ ગ્રુપનું નામ છે ‘ગોલ્ડન બ્લડ ગ્રુપ’. તેનું વૈજ્ઞાનિક નામ (Rhnull) છે. યુનાઈટેડ નેશન્સ (UN)ના આંકડાઓ અનુસાર વિશ્વની વસ્તી 8 અબજને વટાવી ગઈ છે જ્યારે વૈજ્ઞાનિકોનું કહેવું છે કે આટલું મૂલ્યવાન લોહી આખી પૃથ્વીમાં માત્ર 45 લોકોની નસોમાં ચાલે છે.

આ દુર્લભ જાણીતું રક્ત જૂથ છે. ભલે તે મનુષ્યને અમર બનવાની શક્તિ આપતું નથી, પરંતુ તેના ડ્રોપ બાય ડ્રોપમાં હાજર મહત્વપૂર્ણ જીવનરક્ષક ગુણધર્મો પોતાનામાં અસાધારણ છે. આ બ્લડ કોઈપણ બ્લડ ગ્રુપવાળા માણસોના શરીરમાં ચડાવી શકાય છે. આ ગ્રૂપનું લોહી માત્ર પસંદગીના લોકોમાં જ જોવા મળે છે તેથી જ આ બ્લડ ગ્રુપ દુર્લભ માનવામાં આવે છે.

રિપોર્ટ્સ અનુસાર આ રેરેસ્ટ બ્લડ ગ્રુપ ધરાવતા 45 લોકોની ઓળખ કરવામાં આવી છે. પરંતુ આમાંથી માત્ર 9 લોકો રક્તદાન કરવાની સ્થિતિમાં છે. બાકીના 36 લોકો નથી કરતા, આનું કારણ એ છે કે આમાંના કેટલાક લોકો તેમના સ્વાસ્થ્યના ઇતિહાસને કારણે રક્તદાન કરી શકતા નથી જ્યારે કેટલાક એવા છે જેઓ દાન કરવા માંગતા નથી. જેમ કે હોસ્પિટલોમાં જરૂર જણાય તો બીમાર કે ઈજાગ્રસ્ત વ્યક્તિના સંબંધીઓ તેમનું રક્તદાન કરી શકે છે અને બ્લડ બેંકમાંથી જરૂરી બ્લડ ગ્રુપનું લોહી લઈ શકે છે.

આ માટે લોકો કોઈપણ કિંમત ચૂકવવા તૈયાર છે. આ સાથે જ તેની જરૂરિયાત એટલી છે કે આ બ્લડ ગ્રુપના લોહીના એક ટીપાની કિંમત એક ગ્રામ સોના કરતાં પણ વધુ છે. આ કારણે તેને ગોલ્ડન બ્લડ ગ્રુપ પણ કહેવામાં આવે છે. માનવ શરીરમાં આ રક્ત જૂથોની હાજરી માટે મુખ્યત્વે બે કારણો છે. પ્રથમ- ‘આનુવંશિક પરિવર્તન’ જેના કારણે તે એક પેઢીમાંથી બીજી પેઢીમાં ટ્રાન્સફર થાય છે.

બીજા કારણની વાત કરીએ તો ‘નેશનલ લાઇબ્રેરી ઑફ મેડિસિન’માં પ્રકાશિત થયેલા અહેવાલ મુજબ ખૂબ જ નજીકના સંબંધો, ખાસ કરીને પિતરાઈ, ભાઈ-બહેન અથવા અન્ય કોઈ સંબંધી વચ્ચેના લગ્નને કારણે તેમના બાળકોમાં પણ ગોલ્ડન બ્લડ થવાની સંભાવના વધી જાય છે. જો કે, આ ગોલ્ડન બ્લડ ગ્રુપના લોકોને એનિમિયાનું જોખમ રહેલું છે. બ્રિટનમાં આ અંગે ઘણું સંશોધન થયું છે જ્યાં આસિસ્ટન્ટ ક્યુરેટર કેટી મેકનાબ આ ગોલ્ડન બ્લડ અને રેર બ્લડ ડીલના બ્રોકર્સની તપાસ કરે છે. સુરક્ષાના કારણોસર આવા લોકોની ઓળખ જાહેર કરવામાં આવતી નથી.

Translate »