Helmet rule: હેલ્મેટ પહેર્યા પછી પણ 1,000 રૂપિયાનો મેમો ફાટશે, બાઇક સવારો કરી રહ્યા છે આ જીવલેણ ભૂલ, જાણો શું છે મામલો

ટ્રાફિકના નિયમોમાં સુધારો કરવા માટે સમયાંતરે ફેરફારો કરવામાં આવે છે. જો જોવામાં આવે તો છેલ્લા કેટલાક વર્ષોમાં ઘણા નવા નિયમો ઉમેરવામાં આવ્યા છે. આ સાથે નિયમોને વધુ કડક બનાવવા માટે દંડમાં પણ વધારો કરવામાં આવ્યો છે. સ્થિતિ એવી છે કે પહેલા જ્યાં ટ્રાફિક પોલીસ માત્ર હેલ્મેટ ન પહેરવા બદલ મેમો ફટકારતી હતી, હવે હેલ્મેટ પહેર્યા પછી પણ ચલણ આપી રહી છે.

વાસ્તવમાં, મોટર વાહન અધિનિયમ, 1988માં એક નવો નિયમ ઉમેરવામાં આવ્યો છે, જે પછી ટ્રાફિક પોલીસ યોગ્ય રીતે હેલ્મેટ ન પહેરનારાઓ પર દંડ પણ વસૂલ કરી રહી છે. સરળ રીતે સમજો, જો તમે હેલ્મેટ પહેરી રહ્યા છો, પરંતુ તેને પહેરવાની રીત ખોટી છે, તો તમારું બાઇકનું ચલણ કપાઈ શકે છે. તો ચાલો જાણીએ કે ટ્રાફિક કાયદામાં આવા કેવા ફેરફારો કરવામાં આવ્યા છે.

શું તમે પણ હેલ્મેટ પહેરીને કરી રહ્યા છો આ ભૂલ?

ઘણા લોકો હેલ્મેટ પહેરે છે પરંતુ માત્ર ઔપચારિકતા માટે. એટલે કે તમે હેલ્મેટ પહેરી છે પરંતુ તે તમારા માથાના અડધા ભાગ પર લટકેલી છે અથવા તેનો પટ્ટો જોડાયેલ નથી, તો આવી સ્થિતિમાં હેલ્મેટ પહેરવું નકામું છે. આનું કારણ એ છે કે અકસ્માત સમયે, તે હેલ્મેટ સરળતાથી તમારા માથા પરથી ઉતરી શકે છે, અથવા રસ્તા પર ચાલતા અન્ય વ્યક્તિને પણ ઇજા પહોંચાડી શકે છે.

રૂ. 1,000નો દંડ ફટકારવામાં આવશે

આવી ઘટનાઓને રોકવા માટે, માર્ગ અને પરિવહન મંત્રાલયની સૂચના પર મોટર વાહન અધિનિયમ (1988) માં નવો કાયદો ઉમેરવામાં આવ્યો છે. જે અંતર્ગત આવા ટુ-વ્હીલર ચાલકો પર 1,000નો દંડ થઈ શકે છે. બીજી તરફ, જો તમે હેલ્મેટ પહેર્યું હોય પરંતુ તે ડુપ્લિકેટ હોય અથવા ISI માર્ક વગરનું હોય, તો પકડાય તો તમને 1000 રૂપિયાનો દંડ થઈ શકે છે. તમને જણાવી દઈએ કે હેલ્મેટ ન પહેરવા પર 2000 રૂપિયાના દંડની જોગવાઈ છે.

500 Note: 2000 બાદ હવે 500ની નોટને લઈ સૌથી મોટું અપડેટ, લોકોએ 1000 કામ પડતાં મૂકી જાણી લેવું જોઈએ

Bageshwar Dham: વિરોધીઓને સામે પડકાર ફેંકતા ધીરેનદ્ર શાસ્ત્રીએ આપી ચેલેન્જ, કહ્યું- પછી કોઈ કહેતા નહીં કે ગુરુજીએ….

Gujarat weather: અંગ દઝાડતી ગરમી ઘટવાને લઈ હવામાન વિભાગની મોટી આગાહી, લોકો ખુશ-ખુશાલ થઈ ગયાં

આ રીતે હેલ્મેટ પહેરો

કોઈપણ ટુ-વ્હીલરનો ઉપયોગ કરતી વખતે હેલ્મેટ પહેરવું જરૂરી છે. જો તમારી સાથે પીલિયન રાઇડર હોય તો તેના માટે પણ હેલ્મેટ ફરજિયાત છે. મંત્રાલયના આંકડા અનુસાર, માર્ગ અકસ્માતમાં દ્વિચક્રી વાહન ચાલકોનો મૃત્યુદર સૌથી વધુ છે. તમારા માથાને બંધબેસતું હેલ્મેટ પહેરો. તમારી સાઈઝ કરતા મોટી કે નાની હેલ્મેટ ન ખરીદો. હેલ્મેટ પહેર્યા પછી, તેના પટ્ટા પર આપેલા લોકને બાંધવાનું ભૂલશો નહીં. ધ્યાન રાખો કે તમારું હેલ્મેટ ક્યાંયથી તૂટવું ન જોઈએ.