ભારત હવે બની ગયું ‘5G’મય: 1 ઓક્ટોબરે ભારતમાં સૌથી પહેલાં અહીં 5G સેવા થશે શરૂ, ભૂક્કા કાઢી નાખે એવી સ્પીડ, Wi-Fiથી તો 20 ગણી

Lok Patrika
Lok Patrika
2 Min Read
Share this Article

દિલ્હી ઇન્ટરનેશનલ એરપોર્ટ 5G નેટવર્ક સાથે ભારતનું પ્રથમ એરપોર્ટ બની ગયું છે. એરપોર્ટ ઓથોરિટીએ જાહેરાત કરી છે કે ટર્મિનલ 3 હવે મુસાફરોને 5G નેટવર્ક કનેક્ટિવિટી ઓફર કરવા માટે તૈયાર છે. હવે એરટેલ અને જિયો પોતપોતાની 5જી સેવા શરૂ કરતાની સાથે જ મુસાફરોને દિલ્હીના ઈન્ટરનેશનલ એરપોર્ટ પર 5જી નેટવર્કની સુવિધા મળવાનું શરૂ થઈ જશે. દિલ્હી ઇન્ટરનેશનલ એરપોર્ટ લિમિટેડ (DIAL) એ એક સત્તાવાર નિવેદન બહાર પાડીને જણાવ્યું છે કે દિલ્હી એરપોર્ટ ટર્મિનલ 3 થી ઉડતા મુસાફરો ટૂંક સમયમાં 5G નેટવર્કનો ઉપયોગ કરી શકશે. ઓથોરિટીનું કહેવું છે કે 5G નેટવર્ક એરપોર્ટ પર ઉપલબ્ધ Wi-Fi સિસ્ટમ કરતાં 20 ગણી વધુ ઝડપી ઈન્ટરનેટ ડેટા પ્રદાન કરશે.

DIAL કહે છે કે મુસાફરોને તેમના 5G કનેક્ટિવિટી સ્માર્ટફોનમાં વધુ સારી સિગ્નલ શક્તિ, સારી કનેક્ટિવિટી સુવિધા મળશે. મુસાફરોને આ તમામ સુવિધાઓ ટર્મિનલ 3, T3 અરાઇવલ્સ અને મલ્ટી-લેવલ કાર પાર્કિંગ (MLCP) પર મળશે. તમને જણાવી દઈએ કે T3માં 5G નેટવર્ક કનેક્ટિવિટી કેટલાક તબક્કામાં શરૂ કરવામાં આવશે. એકવાર 5G સેવા સંપૂર્ણ રીતે શરૂ થઈ જાય પછી, એરપોર્ટ પર મુસાફરોને સ્ટ્રીમિંગ વખતે ઝડપી ડાઉનલોડ સ્પીડ અને શૂન્ય બફરિંગ મળશે. જો 5Gનું વચન સાકાર થાય છે, તો એરપોર્ટ પર મુસાફરો ઝડપી ડાઉનલોડ સ્પીડ અને સ્ટ્રીમિંગ વખતે શૂન્ય બફરિંગનો આનંદ માણશે. 5G કનેક્ટિવિટી સાથે, એરપોર્ટનું સત્તાવાર કામ પણ વધુ ઝડપી બનશે અને આનાથી મુસાફરોનો ઘણો સમય પણ બચશે.

https://www.ekagratapathshala.com/

ભારત 5G સેવાઓ શરૂ કરવાની તૈયારી કરી રહ્યું છે. વડા પ્રધાન નરેન્દ્ર મોદી 1 ઑક્ટોબરે સત્તાવાર રીતે 5G સેવાઓ શરૂ કરશે, જોકે સામાન્ય વપરાશકર્તાઓ માટે 5G નેટવર્કની સામાન્ય ઉપલબ્ધતામાં હજુ થોડા અઠવાડિયા લાગી શકે છે. મંત્રાલયના સત્તાવાર નિવેદનમાં કહેવામાં આવ્યું છે કે, “વડાપ્રધાન દ્વારા પસંદગીના શહેરોમાં શરૂ કરવામાં આવનાર 5G આગામી કેટલાક વર્ષોમાં સમગ્ર દેશને આવરી લેશે. ભારત પર 5G સંચારની કુલ આર્થિક અસર 2035 સુધીમાં $450 બિલિયન સુધી પહોંચવાની અપેક્ષા છે.” “PM મોદી 5Gની સાથે ઈન્ડિયન મોબાઈલ કોંગ્રેસ (IMC)ની 6ઠ્ઠી આવૃત્તિનું પણ ઉદ્ઘાટન કરશે. IMC 2022 1-4 ઓક્ટોબર દરમિયાન પ્રગતિ મેદાન, નવી દિલ્હી ખાતે “ન્યુ ડિજિટલ યુનિવર્સ” થીમ સાથે યોજાશે.


Share this Article