આખરે આ ગુજરાતમાં શું ચાલી રહ્યું છે એ જ નથી સમજાતું. કાલે રાજકોટમાં લગ્ન પ્રસંગમાં દારુ પીરસાયો હતો તો વળી આજે અમદાવાદ લગ્નમાં જુગાર ધામ ચાલતું હતું અને પોલીસે એના પર આકરી કાર્યવાહી કરી હતી. વાત જાણે કે એમ છે કે અમદાવાદના એલિસબ્રિજ પોલીસે લગ્નપ્રસંગ દરમિયાન જુગાર રમતા 89થી વધુ લોકોની અટકાયત કરી છે અને હવે આ સમાચાર આગની જેમ ફેલાઈ ગયા છે.
આ કેસમાં ન માત્ર આરોપીઓ પણ સાથે સાથે 35થી વધુ વાહનો અને 150થી વધુ મોબાઈલ પણ કબજે લેવામાં આવ્યા છે. આ બધી જ રેડ બાતમીના આધારે પડી હોવાનું માનવામાં આવે છે. અમદાવાદ શહેરના એલિસબ્રિજ વિસ્તારમાં લગ્ન પ્રસંગ દરમિયાન એક જગ્યાએ જુગાર ચાલી રહ્યો હતો અને પોલીસની ટીમ ત્યારે જ ત્રાટકી હતી. આ દરમિયાન પોલીસે જુગાર રમતા 89થી વધુ જુગારીઓની અટકાયત કરીને એક ઉત્તમ ઉદાહરણ પુરુ પાડ્યું છે કે જે પણ આવી ગુના સાથે સંડોવાયેલા હશે એને છોડવામાં નહીં આવે.
જ્યારે જુગારધામ ચાલતુ હતું એ આ દરમિયાન પોલીસને જોઈને જુગારીઓમાં ભાગદોડ મચી હતી. જોનારા પણ વિચારમાં પડી ગયા કે આ લગ્નમાં વળી કેવી દોડધામ મચી ગઈ. પોલીસે સ્થળ પરથી 89થી કરતા વધારે જુગારીઓને જુગાર રમતા રંગેહાથ જ ઝડપી પાડ્યા હતા. પોલીસે આ જુગારીઓની અટકાયત કરીને તેમની પાસેથી 150થી વધુ મોબાઈલ ફોન કબજે લીધા હતા અને તમામને એલિસબ્રિજ પોલીસ સ્ટેશન ખાતે લાવવામાં આવ્યા હતા. આ અંગે માહિતી આપતા પોલીસ કર્મી અશ્વિન બારોટે પણ વાત શેર કરી છે.
પોલીસ કર્મીનું કહેવું છે કે કાલે રાત્રે હું મારી ફરજ પર હતો. આ દરમિયાન પોલીસ કંટ્રોલરૂમ તરફથી માહિતી મળતા એલિસબ્રિજ પોલીસ સ્ટેશનનો સ્ટાફે લગ્નપ્રસંગ દરમિયાન ચાલી રહી રહેલા જુગાર ધામ પર દરોડો પાડ્યો હતો. આ દરમિયાન લગ્ન સ્થળે ત્રીજા માળે કન સિસ્ટમથી મોટો જુગાર ચાલી રહ્યો હતો. અમે તો એ જોઈને જ ચોંકી ગયા કે 2 કે 5 નહીં પરંતુ 89 કરતા વધારે લોકો લગ્ની મોજ સાથે સાથે જુગાર રમી રહ્યા હતા. હાલમાં આગળની તપાસ હાથ ધરીને કાર્યવાહી કરવામાં આવી રહી છે.