Meteorological Department: ગુજરાતીઓ હાલમાં તો તાપમાં શેકાઈ રહ્યાં છે પણ હવે એક નવી જ આગાહી આવતા ખેડૂતોની ચિંતામાં વ્યાપક વધારો થયો છે, કારણ કે રાજ્યમાં હવામાન વિભાગ (Meteorological Department) દ્વારા આગામી 5 દિવસ સુધી કમોસમી વરસાદ (Heavy rain in Gujarat) રહેવાની આગાહી કરવામાં આવી છે. ઉનાળાની શરુઆત વચ્ચે માવઠાની આગાહી લોકોને આશ્ચર્યમાં મૂકી રહી છે અને જગતનો તાત પણ પોતાના પાક બગડવાને લઈ ભારે મુશ્કેલીમાં મુકાયા છે. ઉત્તર ગુજરાત, દક્ષિણ ગુજરાત અને સૌરાષ્ટ્ર-કચ્છના ભાગોમાં કમોસમી વરસાદ થવાની આગાહી છે.
તારીખ 14 અને 15 માર્ચ દરમિયાન બનાસકાંઠા, સાબરકાંઠા, અરવલ્લી, સુરત, ડાંગ, નવસારી, વલસાડ, દમણ, દાદરા નગર હવેલી, અમરેલી, ભાવનગર અને કચ્છમાં વરસાદ થવાની આગાહી છે. તારીખ 16 અને 17એ બનાસકાંઠા, સાબરકાંઠા, અરવલ્લી, સુરત, ડાંગ, તાપી, નવસારી, દાહોદ, મહિસાગર, નર્મદા, વલસાડ તથા સૌરાષ્ટ્ર-કચ્છના અમરેલી, ભાવનગર અને કચ્છમાં વરસાદ થવાની સંભાવના છે.
તો આ તરફ જોવા જેવી વાત એ પણ છે કે અમદાવાદ, ગાંધીનગર, ડીસા જેવા પ્રદેશોમાં ગરમીનો પારો ચઢે તે રીતે દરિયાઈ પટ્ટીના જિલ્લાઓમાં ગરમી પડી રહી છે. વેસ્ટર્ન ડિસ્ટર્બન્સના કારણે રાજ્યના વાતાવરણમાં પલટો આવ્યાનું જણાવવામાં આવી રહ્યું છે.
મુકેશ અંબાણીને એક જ અઠવાડિયામાં 40 હજાર કરોડથી વધારેનું નુકસાન, બીજી કંપનીઓની પણ બદ્દથી બદ્દતર હાલત
રાજ્યમાં હળવા વરસાદની પવન ફૂંકાવાની સંભાવના વ્યક્ત કરવામાં આવી છે. જેમાં આજે બનાસકાંઠા, સાંબરકાંઠા, નર્મદા અને તાપી સહિત સૌરાષ્ટ્ર કચ્છના અમરેલી, રાજકોટ અને કચ્છમાં વરસાદ થઈ શકે છે. કેટલાક સ્થળો પર વાવાઝોડા અને વીજળીના કડાકા-ભડાકા સાથે વરસાદ થવાની સંભાવના વ્યક્ત કરવામાં આવી છે.