અમેરિકન રિસર્ચ ફર્મ હિંડનબર્ગનો હિંડનબર્ગ રિપોર્ટ પ્રસિદ્ધ થયા બાદ અદાણી ગ્રૂપની કંપનીના શેરોને ત્રાટકેલી સુનામીએ ગૌતમ અદાણીના સામ્રાજ્યને હચમચાવી નાખ્યું છે. દરેક પસાર થતો દિવસ તેની નેટવર્થમાં મોટો ઘટાડો લાવી રહ્યો છે. લેટેસ્ટ ડેટા અનુસાર ગૌતમ અદાણી હવે દુનિયાના 20 સૌથી ધનિક લોકોની યાદીમાંથી બહાર થઈ ગયા છે. ત્યારે હવે કોઈ ગૌતમના તરફેણમાં તો કોઈ ગૌતમના વિરુદ્ધમાં બોલી રહ્યા છે. એવામાં ગુજરાત આપ પાર્ટીના નેતા ઈશુદાન ગઢવીએ પણ ટોણો માર્યો છે.
ઈશુદાન ગઢવીએ ટોણો મારતા કહ્યું કે- કુદરતની કરામત જુવો ! અહીં બધું પોતાનું છે કોઈ બગાડી નહીં શકે એવો વહેમ હતો ! ભગવાને વિદેશથી રિપોર્ટ મોકલ્યો ! માની ગયા પ્રભુ ! હવે આ વાત ચારેકાર વાયરલ થઈ રહી છે. ઉલ્લેખનીય છે કે બ્લૂમબર્ગ બિલિયોનેર્સ ઈન્ડેક્સ અનુસાર ગૌતમ અદાણીની નેટવર્થમાં થયેલા ઘટાડાને કારણે તેઓ હવે અબજોપતિઓની યાદીમાં 21મા સ્થાને સરકી ગયા છે. તેમની નેટવર્થ ઘટીને $61.3 બિલિયન થઈ છે અને છેલ્લા 24 કલાકમાં તેમણે $10.7 બિલિયન ગુમાવ્યા છે. શેરના ઘટાડાને કારણે સર્જાયેલી પરિસ્થિતિ વચ્ચે ગૌતમ અદાણી હવે ફેસબુકના માર્ક ઝકરબર્ગથી પાછળ રહી ગયા છે. ઝકરબર્ગની કુલ નેટવર્થ $69.8 બિલિયન છે અને તે આ યાદીમાં 13મા નંબરે પહોંચી ગયો છે.
દુનિયાના 20 સૌથી ધનિક લોકોની યાદીમાંથી બહાર અદાણી
બ્લૂમબર્ગ બિલિયોનેર્સ ઈન્ડેક્સ અનુસાર ગૌતમ અદાણીની નેટવર્થમાં થયેલા ઘટાડાને કારણે તેઓ હવે અબજોપતિઓની યાદીમાં 21મા સ્થાને સરકી ગયા છે. તેમની નેટવર્થ ઘટીને $61.3 બિલિયન થઈ છે અને છેલ્લા 24 કલાકમાં તેમણે $10.7 બિલિયન ગુમાવ્યા છે. શેરના ઘટાડાને કારણે સર્જાયેલી પરિસ્થિતિ વચ્ચે ગૌતમ અદાણી હવે ફેસબુકના માર્ક ઝકરબર્ગથી પાછળ રહી ગયા છે. ઝકરબર્ગની કુલ નેટવર્થ $69.8 બિલિયન છે અને તે આ યાદીમાં 13મા નંબરે પહોંચી ગયો છે.
ગૌતમ અદાણી ગુરુવારે 64.7 બિલિયન ડોલરની સાથે વિશ્વના અમીરોની યાદીમાં 16મા નંબરે હતા અને માત્ર 24 કલાકમાં જ તેઓ પાંચ સ્થાન ખસીને 21મા નંબર પર આવી ગયા છે. વર્ષ 2022માં સૌથી વધુ કમાણી કરનાર વ્યક્તિ તરીકે પોતાની ઓળખ બનાવનાર અદાણી માટે વર્ષ 2023 ખૂબ જ ખરાબ સાબિત થઈ રહ્યું છે. નુકસાન વિશે વાત કરીએ તો બ્લૂમબર્ગના ડેટા અનુસાર આ વર્ષની શરૂઆતથી તેમની સંપત્તિ $ 59.2 બિલિયન સાફ થઈ ગઈ છે. છેલ્લા 10 દિવસમાં તેણે 52 અબજ ડોલર ગુમાવ્યા છે.
ગુરુવારે શેરની આ સ્થિતિ હતી
છેલ્લા એક સપ્તાહમાં ગૌતમ અદાણીની કંપનીઓના શેરોમાં થયેલા ઘટાડાને કારણે શેરબજારમાં લિસ્ટેડ તેમની કંપનીઓના કુલ માર્કેટ કેપમાં $100 બિલિયનથી વધુનો ઘટાડો થયો છે. ગુરુવારે શેરબજારમાં ટ્રેડિંગના અંતે, અદાણી એન્ટરપ્રાઇઝ લિમિટેડ 21.61% ઘટીને રૂ. 1,694.10 પર, અદાણી પાવર લિમિટેડ 4.98% ઘટીને રૂ. 202.05 પર, અદાણી વિલ્મર લિમિટેડ 5% ઘટીને રૂ. 421.00 પર, અદાણી ગ્રીન એનર્જી લિમિટેડ 10% ઘટીને રૂ. રૂ. 1,039.85, અદાણી ટોટલ ગેસ લિમિટેડ 10% ઘટીને રૂ. 1,707.70 પર અને અદાણી ટ્રાન્સમિશન લિમિટેડ 10% ઘટીને રૂ. 1,551.15 પર ટ્રેડ કરી રહી હતી. આ સિવાય અદાણી પોર્ટ્સનો શેર પણ 4.66% ઘટીને રૂ. 472.10 થયો હતો.
મુકેશ અંબાણી પણ ટોપ-10ની યાદીમાંથી બહાર
ગૌતમ અદાણીની સંપત્તિમાં તીવ્ર ઘટાડાને કારણે જ્યાં તે હવે ટોચના 20 અબજપતિઓની યાદીમાંથી બહાર છે. ટોપ-10 બિલિયોનર્સની યાદીમાં સામેલ બીજા ભારતીય અબજોપતિ અને રિલાયન્સ ઈન્ડસ્ટ્રીઝના ચેરમેન મુકેશ અંબાણીની નેટવર્થમાં પણ ઘટાડો થયો છે અને તેઓ ટોપ-10 અમીરોની યાદીમાંથી પણ બહાર થઈ ગયા છે.
અંબાલાલ પટેલની મોટી આગાહી, આજથી ઠંડી થઈ જશે છૂમંતર, તાપમાનનો પારો સીધો આટલી ડીગ્રી સુધી પહોંચશે
$695 મિલિયનના એક દિવસના નુકસાનને કારણે તેમની નેટવર્થ હવે ઘટીને $80.3 બિલિયન થઈ ગઈ છે અને આટલી સંપત્તિ સાથે તેઓ બ્લૂમબર્ગના બિલિયોનેર્સ રિપોર્ટમાં 12મા સ્થાને પહોંચી ગયા છે. જો કે, સંપત્તિના મામલામાં ગૌતમ અદાણીને પાછળ છોડી મુકેશ અંબાણી હવે એશિયાના સૌથી અમીર વ્યક્તિ છે.