શોએબ સાથે છુટ્ટાછેડાના સમાચારની વચ્ચે સાનિયાએ કરી એવી પોસ્ટ કે આખું ગામ વિચારતું રહી ગયું, જ્યારે દિલ ભારે હોય ત્યારે….

Lok Patrika
Lok Patrika
3 Min Read
Share this Article

ભારતીય ટેનિસ સ્ટાર સાનિયા મિર્ઝા અને તેના પાકિસ્તાની ક્રિકેટર પતિ શોએબ મલિક વચ્ચે છૂટાછેડાના સમાચાર જોરશોરથી ચાલી રહ્યા છે. પાકિસ્તાની મીડિયા રિપોર્ટ્સમાં તો એવો પણ દાવો કરવામાં આવ્યો છે કે સાનિયા અને શોએબના સત્તાવાર રીતે છૂટાછેડા થઈ ગયા છે. આ સાથે જ બંને અલગ રહેવા લાગ્યા છે. જો કે હજુ સુધી આ મામલે સાનિયા અને શોએબ તરફથી કોઈ નિવેદન સામે આવ્યું નથી. પરંતુ આ દરમિયાન સાનિયાએ ઈન્સ્ટાગ્રામ પર એક ઈમોશનલ સ્ટોરી શેર કરી છે.

આ પોસ્ટે છૂટાછેડાના સમાચારને વધુ હવા આપી છે. સાનિયાએ ઈન્સ્ટા સ્ટોરીમાં લખ્યું છે કે તમે પ્રકાશ અને અંધકારથી બનેલા માણસ છો. જ્યારે તમારું હૃદય ભારે હોય અથવા એવું કંઈક અનુભવાય, ત્યારે તે મહત્વપૂર્ણ છે કે તમે તમારી જાતને વિરામ આપતા શીખો. જો તમે ક્યારેય નબળાઈ અનુભવો છો, તો તે ખૂબ જ મહત્વપૂર્ણ છે કે તમે તમારી જાતને ખૂબ પ્રેમ કરતા શીખો. સાનિયાની આ પોસ્ટ પરથી એવું લાગી રહ્યું છે કે ચોક્કસ કંઈક છે.

માહિતી મુજબ સાનિયા મિર્ઝા 15 નવેમ્બરે જ 36 વર્ષની થઈ ગઈ છે. આ અવસર પર તેના પતિ શોએબે પણ તેને જન્મદિવસની શુભેચ્છા પાઠવી હતી. શોએબે સાનિયા સાથે પોતાનો એક ફોટો શેર કર્યો છે. તેણે ફોટો સાથે લખ્યું, ‘હેપ્પી બર્થડે સાનિયા મિર્ઝા, હું તમને સ્વસ્થ અને સુખી જીવનની કામના કરું છું. તમારો દિવસ ખુશીઓ સાથે પસાર થાય.

આ સાથે જ એક સમાચાર પહેલા જ સામે આવ્યા હતા કે સાનિયા અને શોએબનો ટોક શો એકસાથે આવવાનો છે. આ શો પાકિસ્તાનની ચેનલ પર આવશે. આ જ ચેનલે સાનિયા અને શોએબનું પોસ્ટર પણ શેર કર્યું હતું. આ નવા પ્રોગ્રામનું નામ છે ‘મિર્ઝા મલિક શો’. આ બંને ઘટનાઓ પછી ચાહકોને લાગ્યું કે કદાચ છૂટાછેડાની વાત ખોટી છે. પરંતુ હવે સાનિયાની આ પોસ્ટે ફેન્સને ફરી કન્ફ્યુઝ કરી દીધા છે.

 

 

ચાહકોમાં સસ્પેન્સ વધી ગયું છે કે શું સાનિયા અને શોએબના છૂટાછેડાના પાકિસ્તાની મીડિયાના અહેવાલો સાચા છે? અથવા કોઈ નવા ટોક શોનું પ્રમોશન અથવા અફવા છે? હવે આ સસ્પેન્સ ત્યારે જ સમાપ્ત થઈ શકે છે જ્યારે ‘મિર્ઝા મલિક શો’ રિલીઝ થશે. નહીં તો સાનિયા અને શોએબે આગળ આવીને થોડી સ્પષ્ટતા કરવી જોઈએ. સાનિયા-શોએબે 2010માં લગ્ન કર્યા હતા. બંનેને એક પુત્ર ઇઝાન મિર્ઝા મલિક છે.


Share this Article