બજારમાં ઘણા પ્રકારના સાબુ ઉપલબ્ધ છે, જે તેમની વિવિધ સુગંધ માટે જાણીતા છે. એ જ રીતે તમામ સાબુની કિંમત પણ અલગ-અલગ હોય છે. જો કોઈ તમને કહે કે એક સાબુ જેની કિંમત 33 કરોડ રૂપિયા હોઈ શકે છે, તો શું તમે વિશ્વાસ કરશો? સૌથી મોંઘો સાબુ પણ રૂ.500 અથવા તો રૂ.1000નો આવે છે. સામાન્ય રીતે લોકો 20, 30 કે 50 રૂપિયાના સાબુનો ઉપયોગ કરે છે, પરંતુ હાલમાં જ મુંબઈ એરપોર્ટ પર સાબુ સાથે જોડાયેલો આવો ચોંકાવનારો કિસ્સો સામે આવ્યો છે, જેના વિશે જાણીને તમે પણ ચોંકી જશો. હકીકતમાં, મુંબઈ એરપોર્ટ પર ચેકિંગ દરમિયાન એક વ્યક્તિને આવા સાબુ મળ્યા છે, જેની કિંમત લગભગ 33 કરોડ રૂપિયા હોવાનું કહેવાય છે.
મુંબઈ એરપોર્ટ પર, જ્યારે આદીસ અબાબાના સાબુમાંથી કોકેઈન નીકળવાનું શરૂ થયું ત્યારે બધાએ માથું પકડી લીધું. મુંબઈના ડિરેક્ટોરેટ ઓફ રેવન્યુ ઈન્ટેલિજન્સ (DRI)એ એરપોર્ટ પર મોટી કાર્યવાહી કરી છે. કાર્યવાહીમાં, ટીમે ભારતીય મૂળના એક શંકાસ્પદ વ્યક્તિને પકડ્યો છે જે ઈથોપિયન એરલાઈન્સ ET-640 દ્વારા આદિસ અબાબા થઈને મુંબઈ પહોંચ્યો હતો. હકીકતમાં, તપાસ અધિકારીઓએ મુંબઈ એરપોર્ટ પર વ્યક્તિની સંપૂર્ણ શોધ કરી અને પછી તપાસમાં એક ચોંકાવનારો મામલો સામે આવ્યો.
તમને જણાવી દઈએ કે બુધવારે DRIએ 33.60 કરોડ રૂપિયાની કિંમતનો 3.36 કિલો કોકેન જપ્ત કર્યો હતો. DRI અધિકારીઓ દ્વારા ધરપકડ કરાયેલા આરોપીઓ પાસેથી 16 સાબુ બોક્સ મળી આવ્યા હતા, જે દેખાવમાં એકદમ સામાન્ય હતા. ડીઆરઆઈએ કહ્યું કે યાત્રીની નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (એનડીપીએસ) એક્ટની સંબંધિત કલમો હેઠળ ધરપકડ કરવામાં આવી છે અને તેની પૂછપરછ કરવામાં આવી રહી છે.