WPL 2026ની: WPL 2026ની પહેલી જ મેચમાં હાઈ-વોલ્ટેજ ડ્રામા જોવા મળ્યો! એક સમયે એવું લાગતું હતું કે રોયલ ચેલેન્જર્સ બેંગ્લોર (RCB) ના હાથમાંથી મેચ સરકી ગઈ છે, પણ નાદિન ડિ ક્લાર્કે અશક્યને શક્ય કરી બતાવ્યું. મુંબઈ ઇન્ડિયન્સના 154 રનના ટાર્ગેટ સામે ટપોટપ વિકેટો પડવા છતાં, નાદિને હાર ન માની અને છેલ્લા ઓવરમાં ચોગ્ગા-છગ્ગાની રમઝટ બોલાવી RCBને યાદગાર જીત અપાવી.
મુંબઈ ઇન્ડિયન્સ 154 રનમાં ઓલઆઉટ
મેચની શરૂઆhttps://twitter.com/wplt20/status/2009674880133018009તમાં મુંબઈ ઇન્ડિયન્સની ટીમ બેટિંગમાં કંઈ ખાસ કમાલ ન કરી શકી અને સમગ્ર ટીમ માત્ર 154 રન બનાવીને પેવેલિયન ભેગી થઈ ગઈ હતી. RCBના બોલરોએ શિસ્તબદ્ધ બોલિંગ કરીને મુંબઈને મોટા સ્કોર સુધી પહોંચતા અટકાવ્યું હતું.
65 રનમાં 5 વિકેટ: RCB સંકટમાં
લક્ષ્યનો પીછો કરવા ઉતરેલી RCBની શરૂઆત ખરાબ રહી. કેપ્ટન સ્મૃતિ મંધાના સસ્તામાં આઉટ થઈ અને ત્યારબાદ મિડલ ઓર્ડર પત્તાની મહેલની જેમ વિખેરાઈ ગયો. રિચા ઘોષ, દયાલન હેમલતા અને રાધા યાદવ જેવી સ્ટાર પ્લેયર્સ ફ્લોપ રહી. માત્ર 65 રનના સ્કોર પર અડધી ટીમ આઉટ થઈ જતાં હાર નિશ્ચિત લાગતી હતી.
નાદિન ડિ ક્લાર્કની વન-મેન આર્મી જેવી બેટિંગ
જ્યારે બધી આશા પૂરી થઈ ગઈ હતી, ત્યારે નાદિન ડિ ક્લાર્ક ક્રીઝ પર ખડકાઈ ગઈ.
Nadine de Klerk with the ball ✅
Nadine de Klerk with the bat? 👀@RCBTweets need 44 off the final five!
Updates ▶️ https://t.co/IWU1URl1fr#TATAWPL | #KhelEmotionKa | #MIvRCB pic.twitter.com/tHlEKcSpTc
— Women's Premier League (WPL) (@wplt20) January 9, 2026
તેણે માત્ર 44 બોલમાં 63 રનની તોફાની ઇનિંગ રમી, જેમાં 7 ચોગ્ગા અને 2 ભવ્ય છગ્ગા સામેલ હતા. તેણે સાબિત કરી દીધું કે ક્રિકેટમાં છેલ્લી ઓવર સુધી કંઈ પણ થઈ શકે છે.
છેલ્લી ઓવરનો રોમાંચ: 18 રનની જરૂર અને નાદિનનો પ્રહાર
જીતવા માટે છેલ્લી ઓવરમાં 18 રનની જરૂર હતી. કામ મુશ્કેલ હતું પણ નાદિન માટે નહીં! તેણે છેલ્લી ઓવરમાં બે છગ્ગા અને બે ચોગ્ગા ફટકારીને મુંબઈના બોલરોને લાચાર કરી દીધા અને મેચ ફિનિશ કરી. અરુંધતી રેડ્ડીએ પણ 20 રનનું મહત્વનું યોગદાન આપી તેને સાથ આપ્યો.
RCBની 3 વિકેટથી શાનદાર જીત
નાદિન ડિ ક્લાર્કના ઓલરાઉન્ડ પ્રદર્શનના દમ પર RCBએ મુંબઈ ઇન્ડિયન્સને 3 વિકેટથી હરાવીને WPL 2026માં વિજયી શરુઆત કરી છે. આ જીત માત્ર પોઈન્ટ્સ માટે નહીં, પણ ટીમના આત્મવિશ્વાસ માટે પણ ખૂબ મોટી સાબિત થશે.