Five Reason Of Team India Defeat: ટીમ ઈન્ડિયાએ પ્રથમ વનડે જીતીને શ્રેણી પર કબજો જમાવવાની આશા જગાવી હતી, પરંતુ ત્યારબાદ થયેલી ગંભીર ભૂલોને કારણે ન્યૂઝીલેન્ડ સામે પોતાના જ ઘરઆંગણે ઐતિહાસિક હારનો સામનો કરવો પડ્યો. ઇન્દોરમાં રમાયેલા ત્રીજા વનડેમાં 41 રનની હાર સાથે ભારતે 2-1થી વનડે સિરીઝ ગુમાવી હતી, જે 1989 બાદ પહેલીવાર બન્યું છે. જાણો કઈ પાંચ ભૂલોને કારણે ટીમ ઇન્ડિયા પરાજીત થઇ હતી.
🟢 1️બોલિંગમાં નિષ્ફળતા સૌથી મોટી કમજોરી
ઇન્દોર વનડેમાં ભારતીય બોલર્સ વિકેટ માટે તરસતા નજરે પડ્યા હતા. ન્યૂઝીલેન્ડે 337 રનનો મોટો સ્કોર ઉભો કર્યો, જેમાં ભારતના બોલિંગ યુનિટ પાસે કોઈ જવાબ નહોતો. સમગ્ર સિરીઝમાં કિવી બેટ્સમેન હાવી રહેલા જોવા મળ્યા.
🟠 2️મિડલ ઓર્ડરની નબળાઈ
વિરાટ કોહલીના શાનદાર સદી છતાં બીજા છેડેથી સહયોગ મળ્યો નહીં. ટોચના ખેલાડીઓ ઝડપથી પેવેલિયન પરત ફરતા રહ્યા, જેના કારણે દબાણ વધતું ગયું.
🟢 3️કેપ્ટનશીપમાં અનુભવની કમી
શુભમન ગિલની કેપ્ટનશીપ હેઠળ ટીમે મહત્વની ક્ષણોમાં ખોટા નિર્ણય લીધા. ફીલ્ડ સેટિંગ અને બોલિંગ ચેન્જિસમાં સ્પષ્ટ ગોઠવણનો અભાવ જોવા મળ્યો.
🟠 4️કિવી ખેલાડીઓનું પ્રભુત્વ
ડેરિલ મિચેલે ત્રણ ઇનિંગ્સમાં 352 રન બનાવી સિરીઝમાં રાજ કર્યું. બોલિંગમાં ડેબ્યૂ કરનાર ક્રિસ્ટિયન ક્લાર્કે 7 વિકેટ લઈને ભારતને ચોંકાવી દીધું.
🟢 5️ઘરઆંગણાનો ફાયદો ન લઈ શકવું
2019 બાદ સતત વનડે સિરીઝ જીતવાનો ભારતનો રેકોર્ડ તૂટ્યો. ઘરઆંગણે રમાતી મેચમાં જે આત્મવિશ્વાસ દેખાવવો જોઈએ, તે આખી સિરીઝમાં ગુમ રહ્યો.