ધુરંધરના ‘રહમાન ડકૈત’ પર લટ્ટુ હતી કરીના કપૂર

Kareena kapoor crush on Akshaye-khanna:  બોલીવુડની ટોચની અભિનેત્રી કરીના કપૂર ખાન એક સમય પર પોતાના એક કો-સ્ટાર પર દિલ આપી બેઠી હતી. ખુદ કરીનાએ ખુલાસો કર્યો હતો કે સ્કૂલના દિવસોમાં તેમને અભિનેતા અક્ષય ખન્ના પર જોરદાર ક્રશ હતો. કરીનાના કહેવા પ્રમાણે, અક્ષય તેમને એટલા ગમતા હતા કે સામે આવતાં જ તેઓ બ્લશ કરવા લાગતી હતી.

અક્ષય ખન્ના હતા કરીનાનો ક્રશ
2004માં આવેલી ફિલ્મ ‘હલચલ’ માં કરીના કપૂર અને અક્ષય ખન્નાએ સાથે કામ કર્યું હતું. ફિલ્મના પ્રમોશન દરમિયાન કરીનાએ કહ્યું હતું કે અક્ષય તેમનો લાંબા સમયનો ક્રશ રહ્યા છે. તેમણે જણાવ્યું કે તે સ્કૂલમાં હતી ત્યારે અક્ષય તેમના લેટેસ્ટ હાર્ટથ્રોબ હતા.

‘હિમાલય પુત્ર’ 20 વાર જોઈ
કરીનાએ જણાવ્યું હતું કે તેમણે અક્ષય ખન્નાની ફિલ્મ ‘હિમાલય પુત્ર’ ઓછામાં ઓછી 20 વાર જોઈ છે. તે સમયે છોકરીઓ અક્ષયના દીવાના હતા અને તેઓ પણ તેમાં સામેલ હતી. કરીનાએ મજાકિયા અંદાજમાં કહ્યું હતું કે અક્ષયને જોઈને “ઓહ માય ગોડ” કહેવાની લાગણી આવતી હતી.

અક્ષય વિશે કરીનાના શબ્દો
‘જબ વી મેટ’ની અભિનેત્રીએ અક્ષય ખન્નાને ખૂબ જ પ્યારા, સાદા અને શ્રેષ્ઠ અભિનેતા ગણાવ્યા હતા. તેમણે કહ્યું હતું કે અક્ષયમાં હોલિવુડ સુધી પહોંચવાની ક્ષમતા છે અને તેમનું અભિનય અદ્ભુત છે.

આવનારી ફિલ્મો
અક્ષય ખન્ના તાજેતરમાં ‘ધુરંધર’ ફિલ્મમાં રહમાન ડકૈતના ખૂફનાક પાત્રથી ચર્ચામાં આવ્યા છે. હવે તેઓ તેના સીક્વલમાં ફરી જોવા મળશે, જે 19 માર્ચ 2026એ રિલીઝ થવાની છે. બીજી તરફ, કરીના કપૂર ખાનની આગામી ફિલ્મ ‘દાયરા’ છે, જે મેઘના ગુલઝાર દિગ્દર્શિત ક્રાઇમ ડ્રામા છે અને જે 2026માં રિલીઝ થવાની શક્યતા છે.