” O Romeo” બોલિવૂડના ચોકલેટી બોય શાહિદ કપૂર હવે ‘ઉસ્તરા’ બનીને પડદા પર લોહીની નદીઓ વહાવી રહ્યા છે. ગેંગસ્ટર ડ્રામા અને આશિકીના મિશ્રણ જેવી ફિલ્મ ‘ઓ રોમિયો’ આજે રિલીઝ થઈ છે. શું આ ફિલ્મ બોક્સ ઓફિસ પર ધૂમ મચાવશે? જોઈએ આ અહેવાલ…
ફિલ્મ રિવ્યુ: ‘ઓ રોમિયો’ એક્શન અને ઈશ્કનો જબરદસ્ત તડકો
શાહિદનો ધમાકેદાર અંદાજ
ફિલ્મની શરૂઆત શાહિદ કપૂરના પાવરફુલ ઈન્ટ્રોડક્શન સાથે થાય છે. શાહિદ અહીં ‘ઉસ્તરા’ નામના એક ખૂંખાર ગેંગસ્ટરના રોલમાં છે, જે પોતાના ઉસ્તરાથી દુશ્મનોના શ્વાસ થંભાવી દે છે. આ પાત્રમાં શાહિદનો સ્વેગ અને તીખાશ જોવા જેવી છે. તેની સામે નાના પાટેકર એક આઈબી ઓફિસર (ખાન સાહેબ) ના રોલમાં છે, જે ઉસ્તરાની ધારનો ઉપયોગ ગુનાખોરી ડામવા કરે છે.
તૃપ્તિ અને અવિનાશની એન્ટ્રી
વાર્તામાં વળાંક ત્યારે આવે છે જ્યારે ‘અફશાં’ (તૃપ્તિ ડિમરી) ની એન્ટ્રી થાય છે. તે બદલાની આગમાં સળગી રહી છે અને ગેંગસ્ટર જલાલ (અવિનાશ તિવારી) ની સોપારી લઈને ઉસ્તરા પાસે આવે છે. તૃપ્તિનો અભિનય અને તેની સુંદરતા ફિલ્મના ગ્લેમરમાં વધારો કરે છે. ઇન્ટરવલ પહેલા વિલન તરીકે અવિનાશ તિવારીની એન્ટ્રી ફિલ્મમાં નવો રોમાંચ ભરી દે છે.
દિગ્દર્શન અને સંગીત
વિશાલ ભારદ્વાજે 90ના દાયકાના ગીતો અને આધુનિક એક્શનનું શાનદાર મિશ્રણ કર્યું છે. ફિલ્મનો ફર્સ્ટ હાફ ખૂબ જ ફાસ્ટ છે અને ક્યાંય પણ કંટાળો આવવા દેતો નથી. સિનેમેટિક અનુભવ અને ડાયલોગ ડિલિવરી પ્રેક્ષકોને જકડી રાખે તેવા છે. ટૂંકમાં, જો તમે એક્શન અને ડાર્ક રોમાન્સના શોખીન હોવ, તો આ ફિલ્મની ‘હાફ પ્લેટ’ તમને ચોક્કસ ગમશે.