Bollywood News: હાલમાં જ સાઉથ સિનેમા ઈન્ડસ્ટ્રીમાંથી ખૂબ જ ખરાબ સમાચાર સામે આવી રહ્યા છે. તમિલ અભિનેત્રી અરુંધતિ નાયર હાલમાં હોસ્પિટલમાં છે અને તેમની હાલત અત્યંત નાજુક હોવાનું કહેવાય છે. એવા અહેવાલો છે કે અભિનેત્રી અકસ્માત બાદ હોસ્પિટલમાં જીવન અને મૃત્યુ વચ્ચે જોલા ખાઈ રહી છે.
અરુંધતિ નાયરના પરિવારના સભ્યોએ પુષ્ટિ કરી છે કે તે વેન્ટિલેટર પર છે. તેમની ટીમે એક પોસ્ટ પણ શેર કરી છે, જેમાં તેમના સ્વાસ્થ્ય વિશે માહિતી આપવામાં આવી છે. લખવામાં આવ્યું છે કે તેના ઝડપી સ્વસ્થ થવા માટે અમને તમારી પ્રાર્થના અને સમર્થનની જરૂર છે.
તમને જણાવી દઈએ કે અભિનેત્રીનો અકસ્માત કોવલમ બાયપાસ પાસે થયો હતો. આ અકસ્માતમાં અરુંધતીને ગંભીર ઈજા થઈ હતી. અભિનેત્રીને માથામાં ગંભીર ઈજા થઈ હતી.
તમને જણાવી દઈએ કે અરુંધતીની બહેન આરતીએ પણ એક નિવેદન આપ્યું હતું જેમાં તેણે કહ્યું હતું કે અમને તામિલનાડુના અખબારો અને ટીવી ચેનલોમાં છપાયેલા સમાચારોની સ્પષ્ટતા કરવાની જરૂર લાગી છે. એ વાત સાચી છે કે મારી બહેન અરુંધતી નાયરનો ત્રણ દિવસ પહેલા અકસ્માત થયો હતો. તેણી ગંભીર રીતે ઘાયલ છે અને તિરુવનંતપુરિમની અનંતપુરી હોસ્પિટલમાં વેન્ટિલેટર પર હતી ત્યારે તે તેના જીવન માટે લડી રહી છે.
મળતી માહિતી મુજબ જ્યારે અરુંધતિનો અકસ્માત થયો ત્યારે તે તેના ભાઈ સાથે મુસાફરી કરી રહી હતી. તે એક યુટ્યુબ ચેનલને ઈન્ટરવ્યુ આપીને ઘરે પરત ફરી રહ્યો હતો. ત્યારે આ અકસ્માત કેરળના કોવલમમાં થયો હતો. અકસ્માત બાદ તેને તાત્કાલિક હોસ્પિટલમાં દાખલ કરવામાં આવી હતી.
હોળી પહેલા આકાશમાંથી મુસીબત વરસશે! ક્યાંક આકરો તાપ તો ક્યાંક કરા રંગમાં ભંગ પાડશે, જાણો નવી આગાહી
એક જ ઝાટકે મુકેશ અંબાણીની રિલાયન્સે 81,763 કરોડ રૂપિયા ગુમાવ્યા, SBI ને પણ ધોળા દિવસે તારા દેખાયા!
હવે અભિનેત્રી હોસ્પિટલમાં જીવન અને મૃત્યુની લડાઈ લડી રહી છે. ફેન્સને અકસ્માતના સમાચાર મળતા જ તેઓ અભિનેત્રીની સુરક્ષા માટે પ્રાર્થના કરી રહ્યા છે. હાલમાં, તેની હોસ્પિટલમાં દાખલ થવા અને બગડતી હાલતના સમાચારે ચાહકોની સાથે-સાથે ઇન્ડસ્ટ્રીના લોકોને પણ દુઃખી કરી દીધા છે.