પ્રેમ લગ્ન કરતી દીકરીઓ અંગે કાયદો બનવવા માટે મહેસાણો ૮૪ કડવા પાટીદાર સમાજ મેદાને આવ્યો છે. મીડિયા રિપોર્ટ અનુસાર કારોબારી બેઠકમાં ૮૪ કડવા પાટીદાર સમાજ દ્વારા આ ર્નિણય લેવામાં આવ્યો છે. જે અનુસાર પ્રેમ લગ્ન કરતી દીકરીઓ અંગે કાયદો બનાવવા સરકારને રજૂઆત કરવામાં આવશે. જે પ્રમાણે દીકરી ભાગી જાય તેવા સંજાેગોમાં લગ્નની નોંધણી પ્રક્રિયામાં માતા-પિતાની સહી ફરજિયાત બનાવવા સરકારને રજૂઆત કરાશે.
ઉલ્લેખનીય છે કે, મહેસાણા જિલ્લામાં ૮૪ કડવા પાટીદાર સમાજ બહુ મોટો છે. પ્રાપ્ત અહેવાલો અનુસાર સમાજે વર્ષો પહેલા પ્રેમલગ્ન સંબંધિત ઝુંબેશ શરૂ કરી હતી. જેને હવે ફરી આરંભી છે. પાટીદાર સમાજ દ્વારા આ પ્રકારે વ્હાલસોયી દીકરીઓનું જીવન બચાવવા ર્નિણયો કરવામાં આવ્યા છે. બેટી બચાવો અને બેટી પઢાવોની સરકારની ઝુંબેશને આ પ્રકારના ર્નિણયોના અમલીકરણથી તાકાત મળશે એવી આશા સાથે મહેસાણા જિલ્લા ૮૪ કડવા પાટીદાર સમાજે ઝુંબેશ શરૂ કરી છે.
આ અંગે ૮૪ કડવા પાટીદાર સમાજના પ્રમુખના જણાવ્યા અનુસાર દરેક સમાજમાં દીકરીઓ ભાગીને લગ્ન કરવાની ઘટનાઓ બને છે, તે ચિંતાજનક છે. આ મુદ્દે આગામી સમયમાં અન્ય સમાજાેને પણ સાથે રાખી સંમેલન બોલાવીશું અને ભાગીને લગ્ન કરતી દીકરીની લગ્ન નોંધણીમાં માતા-પિતાની સહી ફરજિયાત કરવી અને તેને નકારવામાં આવે તો આવી દીકરીનો હિસ્સો માતા-પિતાની મિલકતમાંથી આપોઆપ નીકળી જાય તેવો કાયદો બનાવવા સરકારમાં રજૂઆત કરવામાં આવશે.
નોંધનીય છે કે અગાઉ એસપીજી પણ માતા-પિતાની સહી ફરજિયાત કરવા માગ કરી ચૂક્યું છે. ફરીથી ઝુંબેશ શરૂ કરાતા એસપીજીના પ્રમુખ લાલજી પટેલે મીડિયા સાથેની વાતચીતમાં જણાવ્યું કે, દરેક મા બાપની સૌથી મોટી મુશ્કેલી એ છે કે, દીકરીને બધી સગવડ સાથે ભણાવવા-ગણાવવામાં આવે છે. પરંતુ જ્યારે લગ્નનો ર્નિણય કરવામાં આવે ત્યારે કેટલાક લેભાગું દીકરીઓને ફસાવી કોર્ટ મેરેજ કરી લે છે.
ત્યારબાદ દીકરીને કોર્ટ અથવા પોલીસ સ્ટેશનમાં જ્યારે રજૂ કરવામાં આવે છે ત્યારે તેઓ મા-બાપની સામે ઉભા રહીને બોલે છે કે હું તેમને નથી ઓળખતી. આવી મુશ્કેલી દરેક સમાજની અંદર દિવસેને દિવસે વધી રહી છે. લાલજી પટેલે વધુમાં જણાવ્યું કે, આ માત્ર કડવા પટેલ નહીં પરંતુ સમગ્ર સમાજની ચિંતા છે.
અમે દરેક સમાજને સાથે રાખીને છેલ્લા ૨-૩ વર્ષથી અભિયાન ચલાવી રહ્યા છે કે, માતા-પિતાની સહી વગર દીકરીના લગ્ન કાયદેસર માનવામાં ન આવે. તેમજ બંધારણની અંદર સુધારો કરવા અંગે સરકારને રજૂઆત કરવામાં આવે છે. ૮૪ કડવા પટેલ સમાજની અંદર જે ચર્ચા કરવામાં આવી તેની સાથે અમે સહમત છીએ.