BPCL SBI Card OCTANE: પેટ્રોલ અને ડીઝલના ભાવથી સામાન્ય લોકો પરેશાન છે. પેટ્રોલ અને ડીઝલના મોંઘા ભાવને કારણે ઈંધણની ખરીદી પર રાહત આપતા ક્રેડિટ કાર્ડની માંગ વધી છે. પેટ્રોલ અને ડીઝલના ભાવમાં બચત કરવા માટે બજારમાં ઘણા ફ્યુઅલ ક્રેડિટ કાર્ડ ઉપલબ્ધ છે. આજે અમે તમને એવા ક્રેડિટ કાર્ડ વિશે જણાવવા જઈ રહ્યા છીએ જેના દ્વારા તમે પેટ્રોલ અને ડીઝલના ખર્ચમાં 7.25 ટકાની બચત કરી શકો છો.
અમે BPCL SBI કાર્ડ OCTANE વિશે વાત કરી રહ્યા છીએ. આ કાર્ડ દ્વારા તમને BPCL પેટ્રોલ પંપ સ્ટેશનો પર ઇંધણ અને લુબ્રિકન્ટ્સ પર ખર્ચ કરવા પર વધુ લાભ મળે છે. આ સિવાય ગ્રાહકોને ભારત ગેસની વેબસાઇટ/એપ દ્વારા ખર્ચ કરવા પર લાભ મળે છે.
BPCL SBI કાર્ડ OCTANE ની ખાસ વિશેષતાઓ-
-1499 રૂપિયાની વાર્ષિક ફી ચૂકવવા પર તમને વેલકમ ભેટ તરીકે 6,000 બોનસ રિવોર્ડ પોઈન્ટ્સ મળશે. વાર્ષિક ફીની ચુકવણીના 30 દિવસની અંદર કાર્ડધારકના ખાતામાં રિવોર્ડ પોઈન્ટ જમા કરવામાં આવશે.
-કાર્ડ દ્વારા તમને BPCL પેટ્રોલ પંપ સ્ટેશનો પર ખર્ચવામાં આવતા ઇંધણ અને લુબ્રિકન્ટ્સ પર 7.25 ટકા કેશબેક (1 ટકા સરચાર્જ માફી સહિત)નો લાભ મળશે. BPCL પંપ પર રૂ. 4 હજાર સુધીના દરેક ટ્રાન્ઝેક્શન પર 6.25 ટકા વેલ્યુ બેક અને 1 ટકા ફ્યુઅલ સરચાર્જ માફી મળશે.
-તમને ભારત ગેસ (વેબસાઈટ અને એપ) પર ખર્ચવામાં આવતા દરેક રૂ. 100 માટે 25 રિવોર્ડ પોઈન્ટ્સ (પુરસ્કાર દર – 6.25%) મળશે.
-એક બિલિંગ ચક્રમાં રૂ. 100 ની મહત્તમ ફ્યુઅલ સરચાર્જ માફી મેળવી શકાય છે.
-જમવા, ડિપાર્ટમેન્ટલ સ્ટોર્સ, કરિયાણા અને મૂવી પર ખર્ચવામાં આવતા દરેક રૂ. 100 માટે 10 રિવોર્ડ પોઈન્ટ્સ (પુરસ્કાર દર – 2.50%) આપવામાં આવે છે.
-આ કાર્ડ કોન્ટેક્ટલેસ ટેક્નોલોજીથી સજ્જ છે જે ગ્રાહકોને ‘ટેપ એન્ડ પે’ ની સુવિધા પણ પૂરી પાડે છે એટલે કે કાર્ડ સ્વાઈપ કર્યા વગર POS મશીન પર ટેપ કરીને જ પેમેન્ટ કરી શકાય છે.
-કાર્ડ ધારકને વર્ષમાં 4 વખત મફત ડોમેસ્ટિક એરપોર્ટ લાઉન્જ એક્સેસ મળે છે. જો કે, કોમ્પ્લિમેન્ટરી લાઉન્જ એક્સેસ ક્વાર્ટરમાં માત્ર એક જ વાર ઉપલબ્ધ હશે.
-3 લાખ રૂપિયાના વાર્ષિક ખર્ચ પર, તમને 2 હજાર રૂપિયા (Aditya Birla Fashion/ Yatra /Bata/Hush Puppies)નું ગિફ્ટ વાઉચર મળશે.
ઓછામાં ઓછા 5 બાળકો પેદા કરે, જો ઉછેરી ન શકો તો 4 અમને આપો, શીખોને કરવામાં આવી અજીબ અપીલ
ભાજપ શા માટે 400થી વધારે સીટનો દાવો કરી રહી છે? 2019માં હારી ગયેલી અડધી બેઠકો જીતવાનો વિશ્વાસ
BPCL SBI કાર્ડ OCTANE શુલ્ક
>>આ કાર્ડની જોઇનિંગ ફી (એક વખતની) અને રિન્યુઅલ ફી રૂ 1499 છે.
>> જો કે, એક વર્ષમાં 2 લાખ રૂપિયા ખર્ચવા પર રિન્યુઅલ ફી માફ કરવામાં આવે છે.