આજે સૌથી નાનો દિવસ, ખાલી 10 કલાક 41 મિનિટ જ પ્રકાશ રહેશે, જાણો કઈ રીતે ચાલે છે આખી સાઈકલ

Lok Patrika
Lok Patrika
2 Min Read
Share this Article

આજે 22 ડિસેમ્બર 2022 આ વર્ષનો સૌથી નાનો દિવસ છે. આ પાછળનુ કારણ ખગોળીય ઘટનાઓ છે. આજે  દિવસ 10 કલાક 41 મિનિટ અને રાત 13 કલાક 19 મિનિટની હશે. જો કે પ્રકાશ અને અંધારાનો સમય પણ તમારા સ્થાન પર આધાર રાખે છે. 22 ડિસેમ્બર, 2022ના રોજ સૂર્યની આસપાસ પૃથ્વીના પરિભ્રમણ સમયે સૂર્ય મકર રાશિના ઉષ્ણકટિબંધ પર ઊભો હશે. આ કારણે પૃથ્વીના ઉત્તર ગોળાર્ધમાં સૌથી ટૂંકો દિવસ અને સૌથી લાંબી રાત હશે.

જો મધ્ય ભારતની વાત કરીએ તો ત્યાં સૂર્યોદય સવારે 7.05 વાગ્યે થશે. સૂર્યાસ્ત સાંજે 5.46 કલાકે થશે. એટલે કે દિવસનો સમય 10 કલાક 41 મિનિટનો હશે અને રાત્રિનો સમય 13 કલાક 19 મિનિટ. આ દિવસે સૂર્યપ્રકાશનો કોણ દક્ષિણ તરફ 23 ડિગ્રી 26 મિનિટ 17 સેકન્ડ રહેશે. આવતા વર્ષે 21 માર્ચે સૂર્ય વિષુવવૃત્ત પર હશે. આ પછી દિવસ અને રાત સમાન સમયના હશે. તેને અંગ્રેજીમાં વિન્ટર સોલ્સ્ટીસ કહે છે.

Solstice એ લેટિન શબ્દ છે જે Solstim પરથી આવ્યો છે. લેટિન શબ્દ સોલનો અર્થ સૂર્ય થાય છે જ્યારે સેસ્ટેરનો અર્થ થાય છે સ્થિર થવું. આ બે શબ્દોને જોડીને અયન શબ્દ બન્યો છે, જેનો અર્થ થાય છે સૂર્યનું ઊભા રહેવું. આ કુદરતી પરિવર્તનને કારણે 22મી ડિસેમ્બરે સૌથી ટૂંકો દિવસ અને સૌથી લાંબી રાત હોય છે. અન્ય ગ્રહોની જેમ પૃથ્વી પણ 23.5 ડિગ્રી પર નમેલી છે. વળેલી ધરી પર પૃથ્વીના પરિભ્રમણને કારણે સૂર્યના કિરણો એક જગ્યાએ વધુ અને બીજી જગ્યાએ ઓછા પડે છે.

શિયાળુ અયનકાળના સમયે દક્ષિણ ગોળાર્ધમાં સૂર્યપ્રકાશ વધુ હોય છે. ઉત્તર ગોળાર્ધમાં ઓછો સૂર્યપ્રકાશ છે. આ કારણથી આ દિવસે સૂર્ય દક્ષિણ ગોળાર્ધમાં લાંબા સમય સુધી રહે છે, જેના કારણે અહીં દિવસ લાંબો થાય છે. આર્જેન્ટિના, ઓસ્ટ્રેલિયા અને દક્ષિણ આફ્રિકા જેવા દેશોમાં આજથી ઉનાળો શરૂ થઈ રહ્યો છે.


Share this Article