FASTagમાંથી હવે પૈસા કાપવામાં આવશે નહીં…નીતિન ગડકરીએ કરી મોટી જાહેરાત, ટોલ ટેક્સના નિયમોમાં થયેલ ફેરફાર વિશે જાણો છો?

Lok Patrika
Lok Patrika
2 Min Read
Share this Article

છેલ્લા કેટલાક સમયથી કેન્દ્રીય પરિવહન મંત્રી નીતિન ગડકરીનો વીડિયો ઝડપથી વાયરલ થઈ રહ્યો છે. લોકસભામાં બોલતા ગડકરીએ કહ્યું કે દેશમાં ટૂંક સમયમાં 26 ગ્રીન એક્સપ્રેસ વે બનાવવામાં આવશે. ટોલ ટેક્સ માટે પણ નવા નિયમો જારી કરવામાં આવશે. કેન્દ્રીય મંત્રીના વાયરલ થયેલા વીડિયોમાં હાઈવે પરની યાત્રા સંબંધિત ફેરફારોની માહિતી આપવામાં આવી છે.

વાહનવ્યવહાર વિભાગ દ્વારા કરવામાં આવેલા આ ફેરફારોથી કરોડો વાહન ચાલકોને અસર થશે. તેમણે કહ્યું કે ગ્રીન એક્સપ્રેસ વેના નિર્માણ બાદ દિલ્હીથી દેહરાદૂન અને દિલ્હીથી હરિદ્વારનું અંતર બે કલાકમાં કવર કરી શકાશે. કટરા દિલ્હીથી છ કલાકમાં અને જયપુરથી અઢી કલાકમાં દિલ્હી પહોંચી શકાય છે. ગ્રીન એક્સપ્રેસ વેના નિર્માણ બાદ ભારત રસ્તાના મામલે અમેરિકાની બરાબરી કરી જશે.


કેન્દ્રીય મંત્રીએ એમ પણ કહ્યું કે ગ્રીન એક્સપ્રેસની રચના સાથે ટોલ ટેક્સ વસૂલવાના નિયમો અને ટેક્નોલોજીમાં ફેરફાર થશે. ગ્રીન એક્સપ્રેસ વેની રચનાની સાથે સરકાર આગામી દિવસોમાં ટોલ ટેક્સની વસૂલાત માટે એક નવા વિકલ્પ પર પણ વિચાર કરી રહી છે. આમાં પ્રથમ વિકલ્પ હેઠળ કારમાં જીપીએસસિસ્ટમ ઇન્સ્ટોલ કરી શકાય છે જેમાં કારના જીપીએસપરથી મેળવેલા લોકેશનના આધારે ટોલ ટેક્સ વસૂલવામાં આવશે.

એક્સપ્રેસ વેથી કાર અલગ થતાં જ તમારા બેંક ખાતામાંથી કિલોમીટરના હિસાબે પૈસા કપાઈ જશે. બીજો વિકલ્પ આધુનિક નંબર પ્લેટ સાથે સંબંધિત છે. આ માટે પણ આયોજન ચાલી રહ્યું છે. એટલે કે આગામી દિવસોમાં ફાસ્ટેગમાંથી પૈસા કપાશે નહીં. ગડકરીએ એમ પણ કહ્યું કે હાલમાં જો કોઈ ટોલ ટેક્સ ન ભરે તો તેમાં કોઈપણ પ્રકારની સજાની જોગવાઈ નથી. પરંતુ આગામી દિવસોમાં આ અંગે પણ બિલ લાવવાની તૈયારી ચાલી રહી છે. આ પછી જો કોઈ ટોલ ટેક્સ ભરવામાં આનાકાની કરે છે તો તેની સામે કાયદાકીય કાર્યવાહી થઈ શકે છે.


Share this Article
Leave a comment