રેડમીએ વૈશ્વિક બજારમાં Redmi Note 12 સિરીઝ લૉન્ચ કરી છે. હવે POCO વૈશ્વિક બજારમાં X5 લાઇનઅપનો નવો સ્માર્ટફોન POCO X5 Pro લોન્ચ કરવાની તૈયારી કરી રહ્યું છે. લીક થયેલા પ્રોમોમાં POCO X5 Proની ડિઝાઇનની પુષ્ટિ કરવામાં આવી છે. જો અફવાઓ પર વિશ્વાસ કરવામાં આવે તો ફોન રેડમી નોટ 12 પ્રો સ્પીડ એડિશનનું રિબ્રાન્ડેડ વર્ઝન હશે. તમને જણાવી દઈએ કે, થોડા દિવસો પહેલા POCO X5 Pro ભારતીય ક્રિકેટ ટીમના ઓલરાઉન્ડર હાર્દિક પંડ્યાના હાથમાં જોવા મળ્યો હતો. તે આ ફોન પરથી કોલ પર વાત કરતો જોવા મળ્યો હતો. હવે ફોનની કિંમત પણ જાહેર કરવામાં આવી છે.
કિંમત
ટિપસ્ટર દેબાયન રોયે POCO X5 Proની કિંમત જાહેર કરી છે. તેમના અનુસાર, POCO X5 Proની કિંમત ₹21,000 થી ₹23,000 ની વચ્ચે હશે. આ કિંમત બિંદુ POCO X5 Proને ભારતીય બજારમાં સૌથી સસ્તો સ્નેપડ્રેગન 778G-ક્લડ સ્માર્ટફોન બનાવશે. કદાચ કિંમત પણ વધારે હોય.
ડિસપ્લે
POCO X5 Proમાં 6.67-ઇંચ FHD + OLED ડિસ્પ્લે મળશે. આ સિવાય 120Hz રિફ્રેશ રેટ તેમજ 240Hz ટચ સેમ્પલિંગ હશે. ફ્રેમ ડિઝાઇન વિશે વાત કરીએ તો, ફોન Redmi Note 12 Pro સ્પીડ એડિશન સાથે ડિઝાઇન શેર કરશે.
કેમેરા અને સ્ટોરેજ
ફોનને પાછળના ભાગમાં ટ્રિપલ કેમેરા સેટઅપ મળશે, જેમાં 108MP સેન્સર, 8MP અલ્ટ્રા-વાઇડ યુનિટ અને 2MP મેક્રો લેન્સ હશે. ફોન સ્નેપડ્રેગન 778G ચિપસેટ દ્વારા સંચાલિત થશે, જેમાં 8GB સુધીની રેમ અને 256GB સુધીની સ્ટોરેજ હશે. ફોન એન્ડ્રોઇડ 13 પર ચાલશે.
લોહી થીજવતી ઠંડી વચ્ચે અંબાલાલ પટેલની નવી આગાહી, બસ આજનો દિવસ સહન કરી લો, કાલથી ઠંડીમાં થશે ઘટાડો
બેટરી
બેટરી વિશે વાત કરીએ તો ફોનમાં 67W ફાસ્ટ ચાર્જિંગ સપોર્ટ સાથે 5000mAh બેટરી હશે.