પટના બિહારની રાજધાની પટનામાંથી એક ચોંકાવનારા સમાચાર સામે આવ્યા છે. ગુસ્સામાં યુવતીએ છરી વડે પતિનો પ્રાઈવેટ પાર્ટ કાપી નાખ્યો. યુવકને ગંભીર હાલતમાં પીએમસીએચમાં દાખલ કરવામાં આવ્યો છે. બુધવારે ગાંધી મેદાન પોલીસ સ્ટેશન વિસ્તારના એક્ઝિબિશન રોડ પર આવેલી હોટલની આ ઘટના છે. યુવક સીઆરપીએફનો જવાન છે, જે હાલમાં સુકમા (છત્તીસગઢ)માં તૈનાત છે. પોલીસે આરોપી યુવતીને કસ્ટડીમાં લીધી છે. યુવતી મૂળ દરભંગાની છે, જે છેલ્લા ચાર વર્ષથી પટનામાં અભ્યાસ કરી રહી છે.
પોલીસને આપેલા નિવેદન મુજબ સીઆરપીએફ જવાન અને યુવતી વચ્ચે છેલ્લા 3 વર્ષથી પ્રેમ પ્રકરણ ચાલી રહ્યો હતો. દરમિયાન, 23 જૂનના રોજ, જવાનના પરિવારના સભ્યોએ તેના લગ્ન શિવહરની એક યુવતી સાથે નક્કી કર્યા, જે વિશે જાણ્યા પછી, પ્રેમિકાની સગાઈ થઈ ગઈ. ગર્લફ્રેન્ડે તેના બોયફ્રેન્ડને ફોન કરીને કહ્યું કે પટના આવ નહીંતર હું આત્મહત્યા કરી લઈશ. આ પછી CRPF જવાન 3 જૂને સુકમાથી પટના પહોંચ્યો હતો અને એક હોટલમાં રોકાયો હતો.
યુવતીના વધુ પડતા દબાણને કારણે જવાન 5 જૂને પટના સિટી કોર્ટમાં ગયો અને લગ્ન કરી લીધા. લગ્ન બાદ બંને હોટલ પહોંચ્યા, જ્યાં યુવતીએ યુવક પર શિવહરની યુવતી સાથે લગ્ન તોડવા માટે દબાણ કરવાનું શરૂ કર્યું. બંને વચ્ચે મારામારી થઈ હતી. આ દરમિયાન યુવતીએ જવાનના પ્રાઈવેટ પાર્ટ પર છરી વડે હુમલો કર્યો હતો.
આ પણ વાંચો
કેરળમાં ચોમાસાની ધમાકેદાર એન્ટ્રી, હવે આખા દેશમાં આ રીતે અને આ પ્રમાણે મેઘરાજા ધબધબાટી બોલાવશે
અંબાલાલની આગાહીથી ગુજરાતીઓ ડર્યા, કહ્યું- વાવાઝોડું આવે કે ના આવે બાકી ગુજરાતમાં એવી અસર થશે કે…..
ઘટાડા પછી ચાંદીમાં તોતિંગ વધારો, સોનાના ભાવે પણ ધંધે લગાડ્યા, એક તોલાના ભાવ સાંભળીને હાજા ગગડી જશે
ગાંધી મેદાનના એસએચઓ સુનીલ કુમાર રાજવંશીના જણાવ્યા અનુસાર, હુમલામાં ઘાયલ જવાનનું ખૂબ લોહી વહી રહ્યું હતું અને તે મદદ માટે બૂમો પાડતો રૂમની બહાર ભાગી ગયો હતો. હોટલના કર્મચારીઓ તેને ઈજાગ્રસ્ત હાલતમાં પીએમસીએચ લઈ ગયા હતા. જો કે હવે જવાનની હાલત ખતરાની બહાર છે. તે જ સમયે, મહિલા વિરુદ્ધ ભારતીય દંડ સંહિતાની કલમ 326 હેઠળ કેસ નોંધવામાં આવ્યો છે.