ઘણી વખત ભૂલથી લોકોના બેંક ખાતામાં મોટી રકમ ટ્રાન્સફર થઈ જાય છે. સામાન્ય રીતે આવી સ્થિતિમાં લોકોએ બેંકમાં પૈસા પરત કરવા પડે છે. ભારતમાં આવા ઘણા કિસ્સા સામે આવ્યા છે. હવે આવો જ એક કિસ્સો ઓસ્ટ્રેલિયામાંથી સામે આવ્યો છે. પણ અહીં આખો મામલો જરા અનોખો છે. વાસ્તવમાં જેમના ખાતામાં આ પૈસા આવ્યા, તેમણે તરત જ ખર્ચ કરી નાખ્યા. મામલો કોર્ટમાં પહોંચ્યો એટલે હવે તેમને વ્યાજ સહિત પૈસા પરત કરવા પડશે. ઓસ્ટ્રેલિયન મીડિયા અનુસાર 10.4 મિલિયન ઓસ્ટ્રેલિયન ડોલર આકસ્મિક રીતે મહિલાના ખાતામાં આવી ગયા હતા. એટલે કે ભારતીય રૂપિયામાં ગણતરી કરીએ તો તે 57 કરોડની આસપાસ છે. હવે કોર્ટે આ બધું પરત કરવાનો આદેશ આપ્યો છે. એવું પણ કહેવામાં આવ્યું છે કે તેઓએ 10 ટકા વ્યાજની સાથે કાયદાકીય ખર્ચ પણ ચૂકવવો પડશે.
રિપોર્ટ અનુસાર, ગયા વર્ષે મે મહિનામાં મેલબોર્નના રહેવાસી થેવામનોગ્રી મેનિવેલને ક્રિપ્ટોકરન્સી એક્સચેન્જ crypto.com તરફથી $100 રિફંડ મળવાના હતા. પરંતુ સિંગાપોર સ્થિત ટ્રેડિંગ પ્લેટફોર્મે એક મોટી ભૂલ કરી. કોર્ટના દસ્તાવેજો અનુસાર, તેઓએ ભૂલથી $10,474,143 અન્ય ક્લાયન્ટ મેનિવેલને ટ્રાન્સફર કરી દીધા. મનીવેલ પછી તેની પુત્રી અને તેની બહેન જેવા પરિવારના સભ્યો સહિત અન્ય છ લોકોને પૈસા ભેટમાં આપ્યા. જ્યારે ઓડિટમાં આ ભૂલ બહાર આવી, ત્યારે crypto.com એ કાનૂની કાર્યવાહી શરૂ કરી. ગયા શુક્રવારે, કોર્ટે Crypto.com ની તરફેણમાં ચુકાદો આપ્યો અને તમામ નાણાં અને વધારાના ખર્ચ ચૂકવવાનો આદેશ આપ્યો. કોર્ટના આદેશનો અર્થ છે કે મેનિવેલની બહેને મેલબોર્નમાં $1.35 મિલિયનનું ઘર વેચવું પડશે. જે કથિત રીતે સંપૂર્ણપણે ખોટી ચુકવણી દ્વારા ચૂકવવામાં આવી હતી.